KalMnY sHokR@n

ahln b kol zwarna el keram

lw kont 3odw ed5ol el montada w zabt nafsk

ama lw kont deef f shark w sagl m3ana.... w 3esh 7yatk


    أفهميه عشان تعرفى تحبيه .. !

    شاطر
    Death_Master
    Death_Master
    مشرف
    مشرف

    عدد المساهمات : 5768
    نقاط : 10132
    تاريخ التسجيل : 29/06/2009
    العمر : 27
    الموقع : https://www.facebook.com/khalidsayed1991
    العمل/الترفيه : ....................

    أفهميه عشان تعرفى تحبيه .. !

    مُساهمة من طرف Death_Master في الأحد ديسمبر 20, 2009 11:17 pm

    أفهميه عشان تعرفى تحبيه .. !

    عارف انت لما تلاقي بنت بتكلمك بطريقة معينة وتستخدم مصطلحات معينة في الكلام ، وتبقى انت هارش وعارف هيا عايزة ايه ، وكل ده عن ايه وليه ، بتبقى ساعات في دماغك انك قرفان من عيشتك ، وعايز تصرخ في وشها وتقولها انا زهئت منك ، انتي بتعمليها غلط ! .

    ساعات فعلا البنات بيعملوها غلط ، مش غلط ولا عيب ان بنت تعجب بولد او ولد يعجب ببنت ، اكيد انتي بتحبي حد من الصحابة او السلف او حد كاتب حتى ، فلو شوفتي ولد وحسيتي ناحيته بحاجة وفي نيتك انك تتجوزيه من غير اي غلط او كلام فاضي فانا في المقالة ديه هعرضلك 3 مبادىء تحطيهم قدامك في حياتك علشان تجذبي الشخص الي في دماغك . هتستغربي ازاي ده صح بس ثقي فيا صدقيني انا بقالي 23 سنة ولد وعارف ان تاثيرهم تاثير السحر على اي ولد ممكن بنت تطبقهم عليه .

    اولا : الانطباع الاول

    اولا انسي فكرة انك تبقى امورة لان الولد بيحب البنت الحلوة ، وانسى فكرة الشياكة والهدوم الغالية والبرفانات ، خلينا نتفق اننا مش عايزين نعمل حاجة حرام والي هتعمليه ده لنفسك اولا ثم للطرف التاني ، الانطباع الاول مختلف تماما عن الي انتي فكراه .

    طبيعي ان الولد يحب البنت الامورة ، معاكي جدا ، محدش عايز يتجوز اخوه ، بس عمرك شوفتي بنت وحشة مخطوبة لولد وسيم قبل كده ؟ بتحصل مش كده ؟

    ده ببساطة ان الولد ممكن يتجوز اي بنت واسطورة الشكل ديه ملهاش اساس ، فلو انتي حلوة فانا اسف اني بقولك الكلام ده بس صدقيني متستغربيش لو لاقيتيه سابك علشان واحدة انتي شايفة انها اقل في الشكل منك بكتير ولو انتي وحشة فخليني اقولك ان مفيش بنت وحشة وفيه دايما بدائل

    الولد هيحب البنت الي مكنش بينه وبينها اي مجال او فرصة ، هيحبها في حالة واحدة انه ياخد عنها فكرة انها حد متميز جدا في الدماغ وبتفهم اوي .

    يعني لو كان انطباعه الاول الشكل فساعتها اعرفي انه مش هيحبك الا لشكلك وهيسيبك في اقرب فرصة هيشوف بنت تانية تكون احلى، لو سالتي ولد انت ليه بتحبني وقالك علشان انتي ذكية ودمك خفيف وبنت ناس ، اعرفي انه بيكدب وحبك علشان لايما شكلك او تفاصيلك . اما لو قالك معرفش بس انا بحبك ، فاحتمال كبير يكون بيعنيها بجد ، الي بيحبك علشان بيحبك فده واحد بيحبك من غير ليه ، اما الي يقولك علشان كذا وكذا فده واحد شاف حاجة واحدة بس وهي شكلك وبدأ يبرر لنفسه حاجات تانية كتير .

    المبدأ الاول ليكي انك متركزيش على شكلك ومتركزيش على الشخص ، ركزي على حاجة بعيدة وتميزي فيها ، هيحبك وخلاص من تاني مرة وبكده فكرة الحب من اول نظرة الفاشل ده مش هيطولك ولما يقرب منك هيقرب منك بجد ولفترة اطول.

    ملخص المبدا الاول / الولد صحيح بيهتم بالشكل بس سهل اوي انه ينسى فكرة الشكل لو حس ان فيه بدايل عندك وبتظهر قدامه بشكل تدريجي .

    المبدأ التاني : المنافسة

    آدم هو ملك الغابة ، ملوش علاقة بيكي ، هو عايزك تبقى ملكه بس ولاننا في القرن الواحد والعشرين فمش هيقدر ياخد حاجة من غير مايطلبها ويتعب عشانها ، وهو مستعد يعمل كده في حالة واحدة ، انه يحس انك لحد تاني غيره ويلقط منك فكرة ان مفيش فرصة بينكم ، فلو حس انك حد مميز جدا وقولتيله على قصص وحكايات عن ماضيكي والحب الاول حتى لو مكنش موجود ، هتلاقيه زبون (مع احترامي ليه) بس فعلا هتلاقي عمل اي حاجة علشان يخرجك من المود ده ، لانه ببساطة مش هيستحمل انك تتكلمي عن حبك لاي حد تاني غيره وكمان مش موجود . ديه اسمها الغيرة ، للاسف انا بقول كده ، بس ديه طريقة مستخدمة بشكل واسع جدا من قبل بعض البنات ، بس شغالة جدا وبتجيب نتيجة الحاجة السلبية الي فيها ان ملك الغابة يحظى بيكي في الاخر يومين تلاتة ويسيبك لانه خلاص امتلكك وعرف انك ليه . وحل ده انك اوعى ابدا تسمحي لاي حاجة انها تحصل بينكم والجملة الي تقوليها "انا مبفكرش في ارتباط دلوقتي لاني لسة مش مستعدة لده " وفهميه ان والدك صعب اوي ومتقدريش تعملي حاجة من وراه .

    المبدأ التالت : اتقي الله ياشيخة

    وديه بسميها المرحلة التالتة لان الولد لو شاف فيكي حاجة مميزة جدا وفي نفس الوقت حس بالمنافسة ، هيعوز منك حاجة ، لو مباشر هيروح يخطبك او يبعد فترة ويرجع لما يقدر يخطبك، ولو لسة عايز يعيش شوية فهيطلب منك انه يمسك ايدك مثلا ، فرضا يعني هو حس انه عايز ديه ، لو وقف على راسه متسمحيلهوش لان صدقيني لو الولد حس ان فيه حاجة هو عايزها وانتي مش سامحة بيها حتى لو هتنفصلوا عن بعض ، ساعتها هيخطبك بجد لمجرد انه يقدر يمسك ايدك وبرضه في الخطوبة متسمحيلوش بكده لانه بعد كده هيطلب اكتر ولو معملتيش فهيسيبك لان طبقا لقانون الغاب ، هو تملك منك حاجة وحاول ياخد اكتر فلما معرفش مش هيرضى ابدا يرجع للأقل ، فمن البداية كده فهميه انك غالية وانك بتتقي الله وخايفة واعملي وحسي بده بجد وهتلاقي حبك اكتر .

    ادم سهل وبسيط ، مش محتاج كتب خيال علمي ، اين كان هو مين ، فيه دايما حاجة ممكن تأثر فيه ومفعولها يبقى مفعول السحر وتخليه ينسى كل مقاييسه لو لقاها ، هو نفسه ممكن ميكونش عارفها ، دورك انك توريهاله .

    بتعمليها غلط معناها انك تكوني بتتقربي من ولد بشكل مباشر وملحوظ ، ده هيخليه يبعد عنك لان متعته هو في انه يقرب فلما يلاقيكي بتعملي انتي كل حاجة ، ساعتها مش هيحس بقيمته كملك الغابة . خليه دايما وراكي ، خليكي دايما متميزة وحد هو يفخر يكون معاه ، حسسيه بالمنافسة و اتقي الله ، وساعتها هتنوليه كزوج ليكي ان شاء الله . المهم كل ده يحصل في حدود الشرع علشان ربنا قال :

    "ومن يتق الله يجعل له مخرجا ويرزقه من حيث لا يحتسب" ...

    وفي النهاية ، مينفعش نعمم الكلام ده على كل الولاد وممكن انا شخصيا متمشيش معايا فكرة او اتنين بس ده للاغلبية وده الي انتي هتكتشفيه بنفسك حتى لو هو قالك انا مش غلبان اوي كده علشان يتضحك عليا بالشكل ده ، كتير بتحصل ، ودايما افتكري ، كله بالخير وللخير ولله ، تميزي لنفسك وهييجي لوحده



    المقـال لـ نهاد رجب
    حسيت انه بيعرض حاجة مختلفة فعجبني


    ________KaLmNy ShOkrAn_________
    وانا نســـــيت اولاني عشان انا انسى تاني
    قــــلقــــان يا حبيبي ليه
    ده انا ما يجيــــــش في بالي
    انساك حتى فخيالي لو كــــان في بيننا ايه
    dr:miro
    dr:miro
    مشرف
    مشرف

    عدد المساهمات : 2214
    نقاط : 5847
    تاريخ التسجيل : 01/07/2009
    العمر : 27

    رد: أفهميه عشان تعرفى تحبيه .. !

    مُساهمة من طرف dr:miro في الإثنين ديسمبر 21, 2009 5:29 pm

    حلو اوي الكلام دا
    بس صدقني ياخالد ان المبادئ دي لازم تكون نابعة من البنت لان ساعات فيه بنات بتطبق الحاجات دي مش عشان تخلي الولد يجري وراه بس عشان هي اتربت ع كدا لان مفيش بنت بتحب ولد هتحب تشوفه بيتعب عشان يوصلها الا اذا كان فيه ظروف بجد تمنعها
    بس ع العموم ميرسي ع الافادة


    ________KaLmNy ShOkrAn_________
    لو كان الحب كلمات تكتب لانتهت اقلامي لكن الحب ارواح توهب
    omar fawzy
    omar fawzy
    Admin

    عدد المساهمات : 2531
    نقاط : 6211
    تاريخ التسجيل : 28/06/2009
    العمر : 27
    العمل/الترفيه : رايح تانيه صيدله

    رد: أفهميه عشان تعرفى تحبيه .. !

    مُساهمة من طرف omar fawzy في الإثنين ديسمبر 21, 2009 5:54 pm

    الله يخرب بيتك يا خالد ههههههههه


    ________KaLmNy ShOkrAn_________
    اجمل ملاك يا حبيبى مبيفرقش عنك عودت قلبى اكون معااااااااك
    يارييييييييت يا ريييييييييييييت افضل وياك يا رييييييييييييييييت

      الوقت/التاريخ الآن هو الثلاثاء يناير 22, 2019 6:32 pm