KalMnY sHokR@n

ahln b kol zwarna el keram

lw kont 3odw ed5ol el montada w zabt nafsk

ama lw kont deef f shark w sagl m3ana.... w 3esh 7yatk


    لو انت من مواليد 80 ل 91

    شاطر
    avatar
    dr/soma
    مشرف
    مشرف

    عدد المساهمات : 2672
    نقاط : 6264
    تاريخ التسجيل : 30/06/2009
    العمر : 27
    الموقع : الشرقيه
    العمل/الترفيه : تانيه حديث _صيدله الزقازيق ان شاء الله

    لو انت من مواليد 80 ل 91

    مُساهمة من طرف dr/soma في الخميس أغسطس 20, 2009 7:46 pm


    يااااااااااااااااااااااه الايام دي كانت اجمل ايام فحياتنا
    انا هستعرض الحاجات و انتم راجعوها معايا
    نبدأ يلاااااااااااااا

    [size=21]1.اذا كان لبسك الصيفي في يوم من الايام مكون من مجموعة تيشرتات (كيلفن كلاين) مضروبة وبناطيل تلجي شارل ستون (يا حبذا لو كانت ماركة انتربول التركية كنت تبقى ملك).

    2.اذا كان لبسك الشتوي في يوم من الايام مكون من مجموعة مختلفة من (الهاي كول) ترتدي فوقها قميص كاروهات أو جاكيت هافان.

    3.اذا كنت تعشق مسرحيتي (العيال كبرت) و (مدرسة المشاغبين) وحفظت كل كلمة فيهما ثم فوجئت عند مشاهدهما على الفضائيات ان التليفزيون المصري كان يخدعك طوال هذه السنوات ويعرض لك (ربع المسرحية).

    4.اذا كانت الخيارات المتاحة امامك لمشاهدة فيلم في السينما هي فيلم نادية الجندى (نجمة الجماهير) وفيلم نبيلة عبيد (نجمة مصر الأولى) وفيلم عادل امام (مكانش بقى زعيم لسه).

    5.اذا كانت الخيارات المتاحة امامك لمشاهدة مسلسل في التليفزيون هي مسلسل أحمد عبد العزيز التاريخي أو مسلسل أحمد عبد العزيز الرومانسي أو مسلسل أحمد عبد العزيز الصعيدي.

    6.إذا كانت كل البنات من حولك معجبين بأحمد عبد العزيز ويرينه فارس أحلامهن (رغم قصر قامته وشنبه اللي مش عاطفي اطلاقا).

    7.اذا كنت متابعا جيدا لسهرات التليفزيون الممتعة (اخترنا لك - تاكسي السهرة - بانوراما فرنسية)

    8.اذا كنت شاهدت اثنين او اكثر من حفلات ليالي التليفزيون والتي كان الاعلان عنها يصحبه رقم الليلة (ليالي التليفزيون..الليلة السادسة والعشرين)..حتى جاء الاختراع اللى اسمه مارينا وقرروا ينقلوا الحفلات فيه لتقضى نحبها وتدفن بمقابر الساحل الشمالي.

    9.اذا كنت تشاهد عند عودتك من المدرسة أو الجامعة برنامج (أماني وأغاني) لتشاهد أحدث الكليبات المكررة يوميا متحملا في سبيلها سماجة مذيع البرنامج (احمد مختار).

    10.اذا كنت تنتظر بلهفة برنامج (كلام من دهب) رغم مذيعه الأكثر سماجة طارق علام.

    11.اذا كنت عاصرت مشكلة ادمان الهيروين وحاصرتك تماما في الافلام والمسلسلات والاعلانات والصحف (جميع نجومنا ونجماتنا تقريبا لعبوا دور المدمن وتألموا وهم يطلبون "شمة واحدة" رغم ان المتعاطي لا تصبح حالته بهذا السوء إلا بعد أن يتعدى مرحلة الشم لمرحلة الحقن!).

    12.اذا تكون عاصرت انحسار مشكلة ادمان الهيروين بعد ادراك الشباب لاخطاره واتجاه العاقلين منهم للحل السحري الأكثر أمانا ومتعة (الحشيش)!!!

    13.اذا تكون شاهدت على الحجار مرتين في يوم واحد على نفس القناة...مرة العصر مرتديا التيشرت والشورت والنضارة الشمس وهو يغنى (يا اسكندرية يا مدوبانى) ومرة الفجر مرتديا الجلباب والجبة وهو يغني (صلينا الفجر فين).

    14.اذا كنت اعتدت ارتداء الكاسكيت بشكل مقلوب حاميا قفاك من الشمس ولم يكن شكلك (بتاع انابيب)!

    15.اذا كنت تمتلك مجموعة من روايات رجل المستحيل وملف المستقبل وتعتبرها قمة فى الادب..وكنت تقوم باستبدالها من المكتبة باعطاءه العدد وربع جنيه لتحصل على عدد آخر.

    16.اذا كنت قد عاصرت الصراع على قمة مبيعات الكاسيت بين عمرو دياب (قبل ان يتجه للعالمية التى لا يؤمن بها إلا هو ومجموعة من محبيه) ومحمد فؤاد (قبل ان يتحول لدب قطبي).

    17.اذا كنت تترقب بشدة أى حفلة بها فقرة (عزب شو) وتستمتع بحمود عزب وهو يقلد محمد منير ومحمد نوح!

    18.اذا كنت شاهدت فيلم (جحيم تحت الماء) أكثر من عشر مرات واستمتعت برائعة سمير صبري الكارثية (اضحك يابو علي يا خفيف الدم)!!!!

    19.إذا كان قمة الثقافة والعلم في رأيك ان تشاهد بانتظام حلقات برنامج د.مصطفى محمود (العلم والايمان).

    20.اذا كنت قد مشيت في شوارع المعمورة لتجدها كلها تستمع لأغنية (عبد القادر) للشاب خالد أو (حوا) لمجدي خوري أو شريط (سحراني) لايهاب توفيق.

    21.اذا كنت قد حضرت فرحا او اكثر اسمتعت فيه لاغنية (بدنا نتجوز عالعيد).

    22.أن تكون قد عاصرت قنبلة (كابوريا) التي جعلت كل الشباب يزيل الشعر من جانبي رأسه ليبدو مثل (حسن هدهد) .

    23.ان تكون (امعانا فى الثقافة الموسيقية) قد اشتريت اصدار او اكثر من شريط الكوكتيل الغربي (واتس ناو).

    24.ان تكون قد شعرت بحرج بالغ عندما شاهد والدك او والدتك احد حلقات مسلسل (فريندز) معك لما يحتويه على كلام جنسي بذئ (بمقاييس وقتها طبعا!).

    25.ان تكون شاهدت كليب المغنية حنان الشهير (اضحك بقى وافرجها ياعم)..واطلقت على المغنية بينك وبين اصدقائك لقب (المعزة).

    26.اذا كنت تمتلك البومين أو أكثر لتجميع الستيكرز (صور لاعبين كرة أو شخصيات كارتون حسب ميولك وقتها).

    27.اذا تكون قد منعت لعدة أيام من اللعب في الشارع بسبب خوف أهلك عليك من (السلعوة)!

    28.إذا كنت قد تابعت بشغف واحد من مسلسلات (ذئاب الجبل - المال والبنون - ليالي الحلمية - من الذي لا يحب فاطمة)

    29.اذا تكون قد شربت أكثر من مائتي زجاجة كوكاكولا في شهرين من أجل رحلة (البحث عن الجادون).

    30.اذا اعتدت في الصيف ان تشغل الكاسيت بصوت عالي عصرا وتقف في البلكونة بالفانلة الداخلية والسلسلة وفي يدك كوب الشاي والسيجارة (لو كنت مدخنا) مستمتعا بسماع الموسيقى ومعاكسة البنات وانت متأكد من أن الحوار الدائر بينهن يدور حول وسامتك!

    31.اذا تكون قد استخدمت علبة جيل الشعر كلها مرة واحدة (لو كنت ابن ناس ومعاك فلوس) او قمت بفرد شعرك بكريم جلات (لو كنت ابن ناس برضه بس مش معاك فلوس) لتقوم بزحلقة شعرك ليبدو مثل عمرو دياب في أغنية نور العين.

    32.اذا كنت قد لعبت في طفولتك باحدى اشكال لعبة (الميكانو).

    33.اذا كنت قد حضرت امتازت فيه أسماء الشهرة للسيارات الفاخرة بالرومانسية الشديدة (الخنزيرة - التمساحة - البودرة - الشبح).

    34.اذا كنت قد اشتريت (بلوفر تملى معالك) بالوانه الشهيرة الابيض والاسود والاخضر.

    35.اذا شاهدت يوميا بعد الافطار في رمضان برنامج (بدون كلام) الذي يقدمه الممثل حسن مصطفى والذى اعتاد ان يستضيف زوجته ميمي جمال في أحد الفريقين وان يتحيز للفريق الذي تشارك فيه ويقوم بتغشيشهم.

    36.ان تكون قد لاحظت حسن مصطفى وهو يميل على اذن فيفي عبده ليقرأ لها اسم الفيلم في الورقة (لم تكن قد تعلمت القراءة بعد).

    37.اذا شهدت النجاح الساحق لاغنية حمدي باتشان (ايه الاساتوك ده..اللى ماشي يتوك ده).

    38.اذا شهدت تحويل نفس الاغنية لاعلان مسحوق غسيل سافو بمشاركة حمدي باتشان والموديل الأشهر في مصر وقتها (نسرينا).

    39.اذا كنت قد شهدت انحدار ذوق ذكور مصر لدرجة جعلت وفاء عامر ملكة للأغراء ونهلة سلامة نموذج للأنوثة وجعلت هياتم تغوي جميع الرجال بجاذبيتها الجنسية.

    40.اذا كنت قد شاهدت نادي الزمالك يترك أفضل لاعب في مصر (رضا عبد العال) يرحل للغريم التقليدي الأهلي بسبب رفض طلبه لزيادة راتبه السنوي برقم ضخم للغاية (خمستاشر ألف جنيه!!!)

    41.اذا كان المسلسل الكوميدي المفضل لك في الابتدائية هو (بكيزة وزغلول) وفي الأعدادية هو (وانت عامل ايه) وفي الثانوية (يارجال العالم اتحدوا)..خاصة شخصية بطرس منقريوس التي لعبها النجم حسن حسني.

    42.اذا طاردتك ايمان الطوخي لفترة من حياتك..تجدها صباحا بطلة لمسلسل الأطفال (كوكي كاك) وعصرا مغنية تقول (انا من النظرة الأولى شفت الدنيا بلون الورد) ومساءا ممثلة تلعب دور استر بولونسكى فى رأفت الهجان.

    43.اذا كانت الألعاب الألكترونية المتاحة لك تتراوح بين الاتاري الاسود (ابو دراعين كبار) او كومبيوتر صخر التعليمي (صاحب الالعاب السخيفة) أو الاتارى الفاميلى (سوبر ماريو وكابتن ماجد طبعا) أو الأميجا أبو ديسكات (ولعبته الشهيرة سينس بول).

    44.اذا كنت قد تابعت بشغف مسلسل (الرقص على سلالم متحركة) وتحدثت مع اصدقاءك عن شخصياته (دينا طحن ووديدة صاروخ وناصر اورجنايزر).

    45.اذا سهرت لنهاية الارسال في التليفزيون المصري واستمعت الى اوتار الليل بصوت عادل هاشم أو مدحت مرسي.

    46.اذا شاهدت مسلسلا للمخرج حسام الدين مصطفي ورأيته في أخر التتر بصلعته اللامعة وسلسلتة الذهبية ينظر للكاميرا بابتسامة غريبة وهو يشير بابهامه لأعلى.

    47.اذا كان مسلسل الأطفال المفضل لديك في رمضان يتراوح بين (سلاحف النينجا) و (باور رينجرز)..

    48.اذا قمت بتركيب (موتور) لتحريك الاريال فوق السطوح وقمت بتزويده بجهاز (بوستر) لتقوية الاستقبال وسهرت في ليلة صيفية تحرك الاريال بحثا عن قنوات المستقبل والام تي في وسيجما واسرائيل الثانية!!

    49.اذا كرهت الشخصية التي لعبتها تيسير فهمي في مسلسل (أبناء ولكن) والتي تسببت في تحويل حياة جميع الشخصيات الأخرى إلى جحيم..وفوجئت بها في الحلقة الأخيرة تندم على افعالها وتتحول لحمل وديع ويتصالح الجميع ولا عزاء لمرارتك المفقوعة.

    50.اذا كنت قضيت ايام و ليالي بتسمع اغنيه "دي دي" بتاعه الشاب خالد الي كانت مكسره الدنيا و لما كانت تخلص تجيبها تاني من الاول

    51.اذا كان كل مصروفك ضايع علي الفيديو جيم خصوصا لعبه الديناصورات بتاعه مصطفي و حنان , و عمرك ما قفلتها لحد دلوقت

    52.اذا كنت ضيعت تحويشه سنه علي سماعتين بايونير بيضاوي و ايكوليزر جينسن و ركبتهم في عربيه ابوك الي كنت بتقلبها منه بليل

    53.اذا كنت بتبقي قاعد مستني حلقه مازنجر و بمنتهي البساطه و انت مندمج في الاحداث يقطعوها عشان يجيبوا مجلس الشعب

    54. اذا كنت دخلت فيلم "تيتانيك" اسطوره الرومانسيه و شفت البنات و هي طالعه من السينما منهاره و بتعيط من احداث الفيلم والتذاكر اللى انت دفعتها


    ________KaLmNy ShOkrAn_________


    قمة الحب ان يجبرك الصمت على الكلام فيعجز الكلام عن التعبير فتصمت ولا يبقى الا النظر

    miroOoOOooOoOoooO
    avatar
    Death_Master
    مشرف
    مشرف

    عدد المساهمات : 5768
    نقاط : 10131
    تاريخ التسجيل : 29/06/2009
    العمر : 27
    الموقع : https://www.facebook.com/khalidsayed1991
    العمل/الترفيه : ....................

    رد: لو انت من مواليد 80 ل 91

    مُساهمة من طرف Death_Master في الخميس أغسطس 20, 2009 7:49 pm

    هههههههههههههههههههههههههههههههههههههههههه
    جامدة يا سوما فكرتيني بالذي مضي
    بس تقريبا ي ناس عاملين برضوا جروب علي الفيس بوك بنفس الأسم برضوا


    ________KaLmNy ShOkrAn_________
    وانا نســـــيت اولاني عشان انا انسى تاني
    قــــلقــــان يا حبيبي ليه
    ده انا ما يجيــــــش في بالي
    انساك حتى فخيالي لو كــــان في بيننا ايه
    avatar
    MoOn::-SaMeH-::LOver
    Admin

    عدد المساهمات : 1218
    نقاط : 4967
    تاريخ التسجيل : 27/06/2009
    العمر : 27
    العمل/الترفيه : DENTISTRY 2 @ MIU

    رد: لو انت من مواليد 80 ل 91

    مُساهمة من طرف MoOn::-SaMeH-::LOver في الجمعة أغسطس 21, 2009 3:54 am

    هههههههههههههههههه حلوالموضوع ده بس الممثلين لسا بيعملوا دور المدمنين لحد دلوقت وكمان اطوروا وبقوا بيعملوا دور تجار المخدرات


    ________KaLmNy ShOkrAn_________
    avatar
    Ahmed Samir
    Admin

    عدد المساهمات : 1134
    نقاط : 4767
    تاريخ التسجيل : 29/06/2009
    العمر : 27
    الموقع : sharkya
    العمل/الترفيه : Dentistry 2nd year MIU

    رد: لو انت من مواليد 80 ل 91

    مُساهمة من طرف Ahmed Samir في الجمعة أغسطس 21, 2009 4:38 am

    13.اذا تكون شاهدت على الحجار مرتين في يوم واحد على نفس القناة...مرة العصر مرتديا التيشرت والشورت والنضارة الشمس وهو يغنى (يا اسكندرية يا مدوبانى) ومرة الفجر مرتديا الجلباب والجبة وهو يغني (صلينا الفجر فين).

    هههههههههههههههههه
    ايوا ايوا فاكر النضارة بتاعتو دي
    كانت تحفة طب والله كانت تقريبا نفس الي في السمايل دي

    شكرا عالتوبيك يا سامسوماااااا


    ________KaLmNy ShOkrAn_________

    MIU
    Mokt2ben International University


    mn el lilady......hnsa el gra7.....w bsalama ely ra7......mnta m3aya

    h7tag l eh ana ah wla eh..........w agml 3yon fe donia m3aya


    avatar
    dr/soma
    مشرف
    مشرف

    عدد المساهمات : 2672
    نقاط : 6264
    تاريخ التسجيل : 30/06/2009
    العمر : 27
    الموقع : الشرقيه
    العمل/الترفيه : تانيه حديث _صيدله الزقازيق ان شاء الله

    رد: لو انت من مواليد 80 ل 91

    مُساهمة من طرف dr/soma في الجمعة أغسطس 21, 2009 12:03 pm

    مش عارفة يا خالد ان كان فى جروب ولا لا

    واه يا احمد فاكرة نضارة على الحجار هو كان فيه غيره ع القناه الاولى المصرية


    ________KaLmNy ShOkrAn_________


    قمة الحب ان يجبرك الصمت على الكلام فيعجز الكلام عن التعبير فتصمت ولا يبقى الا النظر

    miroOoOOooOoOoooO
    avatar
    dr/soma
    مشرف
    مشرف

    عدد المساهمات : 2672
    نقاط : 6264
    تاريخ التسجيل : 30/06/2009
    العمر : 27
    الموقع : الشرقيه
    العمل/الترفيه : تانيه حديث _صيدله الزقازيق ان شاء الله

    رد: لو انت من مواليد 80 ل 91

    مُساهمة من طرف dr/soma في الجمعة أغسطس 21, 2009 12:05 pm

    اه صحيح انت كنت قاعد فى سايبر ولا ايه يا احمد اصلك كاتب بالعربى


    ________KaLmNy ShOkrAn_________


    قمة الحب ان يجبرك الصمت على الكلام فيعجز الكلام عن التعبير فتصمت ولا يبقى الا النظر

    miroOoOOooOoOoooO
    avatar
    Ahmed Samir
    Admin

    عدد المساهمات : 1134
    نقاط : 4767
    تاريخ التسجيل : 29/06/2009
    العمر : 27
    الموقع : sharkya
    العمل/الترفيه : Dentistry 2nd year MIU

    رد: لو انت من مواليد 80 ل 91

    مُساهمة من طرف Ahmed Samir في الجمعة أغسطس 21, 2009 1:41 pm

    لا بس لما بكون عالاب ببقى انجليزي
    اما لو اخويا و اختي الكرام تفضلو عليا و سمحولي اني اقعد عالكمبيوتر دا يبقى يوم المنى ...............وباكتب عربي

    خير الامور الوسط
    ولا ايه يا حاجة سوما


    ________KaLmNy ShOkrAn_________

    MIU
    Mokt2ben International University


    mn el lilady......hnsa el gra7.....w bsalama ely ra7......mnta m3aya

    h7tag l eh ana ah wla eh..........w agml 3yon fe donia m3aya


    avatar
    dr/soma
    مشرف
    مشرف

    عدد المساهمات : 2672
    نقاط : 6264
    تاريخ التسجيل : 30/06/2009
    العمر : 27
    الموقع : الشرقيه
    العمل/الترفيه : تانيه حديث _صيدله الزقازيق ان شاء الله

    رد: لو انت من مواليد 80 ل 91

    مُساهمة من طرف dr/soma في الجمعة أغسطس 21, 2009 10:06 pm

    ماشى يا حاج احمد


    ________KaLmNy ShOkrAn_________


    قمة الحب ان يجبرك الصمت على الكلام فيعجز الكلام عن التعبير فتصمت ولا يبقى الا النظر

    miroOoOOooOoOoooO
    avatar
    osama hassan
    مشرف
    مشرف

    عدد المساهمات : 1448
    نقاط : 5055
    تاريخ التسجيل : 01/07/2009
    العمر : 27
    العمل/الترفيه : فى سنة تانية صيدلة ال ZU

    رد: لو انت من مواليد 80 ل 91

    مُساهمة من طرف osama hassan في السبت أغسطس 22, 2009 5:08 pm

    ياااااااااااااااه يا سوما
    رجعتينى 25 سنة ورا وفكرتينى بأيام شبابى
    ليت الشباب يعود يوما


    ________KaLmNy ShOkrAn_________
    avatar
    dr/soma
    مشرف
    مشرف

    عدد المساهمات : 2672
    نقاط : 6264
    تاريخ التسجيل : 30/06/2009
    العمر : 27
    الموقع : الشرقيه
    العمل/الترفيه : تانيه حديث _صيدله الزقازيق ان شاء الله

    رد: لو انت من مواليد 80 ل 91

    مُساهمة من طرف dr/soma في السبت أغسطس 22, 2009 11:13 pm

    ههههههههههههههه
    ليه انت عندك كام سنة 100


    ________KaLmNy ShOkrAn_________


    قمة الحب ان يجبرك الصمت على الكلام فيعجز الكلام عن التعبير فتصمت ولا يبقى الا النظر

    miroOoOOooOoOoooO
    avatar
    zizoooo
    عضو نشيط
    عضو نشيط

    عدد المساهمات : 148
    نقاط : 3618
    تاريخ التسجيل : 25/08/2009
    العمر : 29

    رد: لو انت من مواليد 80 ل 91

    مُساهمة من طرف zizoooo في الأربعاء سبتمبر 16, 2009 8:52 am

    لا بجد هو ده اللي كان بيحصل فعلا ياه ايام زمان
    شكرا علي التوبيك ده يا سومه

      الوقت/التاريخ الآن هو الثلاثاء يناير 22, 2019 1:49 am