الصداقه عن طريق النت

انا هسال سؤال موجه للولاد وعايزه اعرف رايكم فيه
هل انت ترضى بالصداقه عن طريق النت وهل ممكن الصداقه تتقلب لحب رغم انك عمرك ما شفت الشخصيه دى؟؟؟؟؟؟؟؟؟؟؟؟؟؟؟؟؟

وهل الصوره اللى انت بترسمها للشخصيه اللى انت بتكلمها ع النت بتبقى صح ولا النت دا قناع زائف؟؟؟؟؟؟؟؟؟؟؟؟؟

عن نفسى انا ممكن اقبل الصداقة عن طريق النت
لكن استحالة الموضوع يوصل لحب
لان مش ينفع أحب واحدة معرفش عنها حاجة لان وارد جدا ان البنت تبان بشخصية مزيفة ع النت عكس حقيقتها
لأن الصورة اللى برسمها للشخصية ممكن تبقى مش حقيقية

ميرسى لرايك جدا يا اسامه
طيب ممكن اسال سؤال شويه شخصى انت ممكن ترضى ان اختك او اى واحده قريبتك تكلم وتصاحب ولاد ع الايميل؟؟؟؟؟؟؟؟؟؟؟؟؟؟

بصراحة سؤال مكنش فى دماغى
بس وهى صغيرة اكيد لأ لان مفيش كنترول لسة
ولما تكبر هتبقى حسب شخصيتها وتفكيرها
عشان اقدر احدد
وشكرا على سؤالك

يا جماعه مش عارف ليه كل ماتكلم مع واحده او كدخ على النت تسال السؤال ده مدام انتى باحترامك وبشخصيتك الجميله المهذبه الرقيقه ومدام اللى انتى بتكليميهم على الايميل او النت عموما محافظين على شعورك وعلى رقتك كونك بنوته رقيقه وملتزمين بالاداب والاخلاق العامه واقولك على حاجه انا معرفكيش لانتى ولا سوما شخصيا حتى الان لكن والله والله والله بحترمكم موت موت موت وبعزكم جدا كانى اعرفكم من زمان وقبل مبكتب اى كلمه بعتبر ان اختى هيا اللى هتقرا الكلام ده ولو عندك اى ملاحظه قليها وشكرا

ميرسى جدا ع كلامك يا عمر وانا مش بسال عن الاشتراك ع المنتديات لان ده مش فيه تعارف احنا بتبادل ارءنا وافكارنا مش بنتكلم عن نفسنا وده من اعتقادى مش تعارف ولو انا شايفاه تعارف مش كنت عملته بس انا قصدى تعارف الشات والايميل وده اللى انا برفضه لانه بيبقى فيه تعارف وكل ولد بيبقى فى دماغه انه يستلى بس احنا هنا بندخل باسم مستعار وانا مش كان قصدى من سؤالى ان دا شئ انا بعمله وحابه اسال الولاد عليه لكن مجرد سؤال كنت حابه ان كل ولد يقول رايه فيه وحاسه ان ناس كتير معتقداه شئ عادى

هو زى مانا شايف مش فيه حاجه مدام الناس التزمت بالضوابط وبعدين انا شايف ان كله واحد

يعنى ايه كله واحد يا عمر ؟؟؟؟؟؟؟؟
ولو قصدك ان كله واحد يعنى انى اشترك ع منتديات زى صداقه الشات خلاص وبدون زعل يبقى انا مش عنت هشترك فى منتديات تانى لانى كنت فاهمه الموضوع غلط

عمر يقصد ان مدام فى ضوابط يبقى الموضوع عادى
وبعدين انتى لما سألتى قولتى الصداقة على النت عموما مش صداقة الشات خصوصا

انا عارفه ان الموضوع فيه ضوابط وانا فعلا لما سالت عن صداقه النت انت جاوبت عليا وانا اتقبلت رايك عادى والاختلاف فى الراى لا يفسد للود قضيه وان لكل واحد راى
وانا اللى خلانى اقول الكلام ده ان عمر قال ان صداقه الشات زى صداقه المنتديات وانا حاسه ان ده فىه اختلاف كبير
وبسسسسسسسسسسس

يا سوما الصداقه هى الصداقه بس خلينى اقلك ومن غير نرفذه دلوقتى انتى من تاريخ تسجيلك يوم 30/7 وحتى 15/7 بقالك 15 يوم هنا عمرك شفتى اى حد قال اى كلمه او حاجه خارجه وانا مشفتش منكم حاجه وحشه وبعدين غرض المنتديات والفيس والكلام ده كله هو التعارف دلوقتى احنا زملى فى كليه واحده هل انتى كنتى تعرفى حاجه زى كده قبل متخشى على المنتدى ونتعرف على بعض اكيد لا وانا نفس النظام واللى ياكد كلامى انه انا من خلال مبتكتبى قدرت اعرف ملامح شخصيتك ونقط كتيره فيها وانتى برضه من خلال مبكتب عرفتى نقط مهمه جدا فى شخصيتى وبالتالى انا قدرت ارسم صوره لشخصيتك فى خيالى اعتقد انها صح ولو صادف واتعاملنا مع بعض مش هتكونى غريبه عليا وهكون عارف كل ملامح شخصيتك باستثناء شكلك بس هيا ديه وجهة نظرى واعتقد انها صح

مع احترامى الشديد لراى اى عضو هنا واذا كنا اختلفنا فى الراى فده مش فيه اى مشكله وانا وسوما لما قصدنا اننا ندخل المنتدى كان لمجرد التسليه ومش هدفى الاساسى التعارف وانت عندك حق اننا رسمنا شخصيه لكل واحد صحيح من طريقه كتابته او كلامه واذا كانت سوما اتكلمت بعد كده فده عشان توضح ليكوا اننا مش داخلين عشان نتعرف ع اى حد

وفى النهايه يا عمر احنا مش هنختلف عشان مجرد موضوع اتفتح للنقاش وكل واحد اظهر وجهه نظره بحريه

ما علينا ياجماعة من الموضوع ده لانه فى اختلافات كتيرة فى الآراء
واهم حاجة مايبقاش حد زعل من رد التانى
وعموما كل واحد فهم وجهة نظر التانى وبمنتهى الصراحة
و(الإختلاف فى الرأى لا يفسد للود قضية)

خلاص بقى يا جماعه ما نقفل الموضوع ده مكانش سؤال يعنى

امال بقى لو كنا بنحل مشكله فلسطين كنا عملنا ايه؟؟؟؟؟؟؟؟؟؟؟؟؟؟؟ كنا بوظنا الدنيا

ميرسى يا احمد ع الكلام اللى انت قولته والقسم فعلا اسمه حوار جامد واحنا فعلا خليناه حوار مولع وانت عندك حق فى حكايه ان الواحد ممكن يتكلم ع الميل باحترام صح فعلا بس لكل واحد شخصيه واسلوب تفكير بيختلف عن التانى ممكن انت تفكر ان الموضوع صح وانا افكر انه غلط والعكس لان لكل واحد مبرر للموضوع ويا ريت محدش يزعل منى انا وميرو فى اى كلمه قولناها وبجد انتو زى اخونا بالظبط وانا بحترم كل واحد فيكم
وان شاء الله هحط اسئله تانيه مولعه وقشطه واحنا كمان هنستنى سؤال الولاد للبنات
انت رايك صح يا يوسف فى كل كلمه قولتها وبعدين مين قال انى هطلع من المنتدى ده اللى فوق دا كان كلام فى ساعه غضب عادى يعنى ولاننا بنضحك وبنفرفش وان شاء الله مش هخرج منه وشيل والنبى حكايه السياسه دى احنا مش نقصين
ههههههههه
وع العموم كل سنه وانت طيب وعقبال مش مليون سنه بس لا تريليون سنه كده تمام

الحمـــد لله الحوار خلص

بس كده انا فى الخدمة

هو فيه إيه ؟؟؟؟؟؟؟؟؟ يا جدعان الحياه لذيذه روقوا

والإختلافى لا يفسد فى البتاع ده قضيه

بس أنا بقى ليا كلام كتير أوى فى الموضوع ده

هو فيى إيه ؟؟؟؟؟؟؟ ههههههههههههههههههههههههه

ههههههههههههههه
بس ايه الكلام البتاع الرائع اللى انت قولته ده يا مون لفر

وخلااااااااااااااااااااااااااااااااااااااااااااااااااااااااااااص معدش فى حاجه

ولا بتاع ولا حاجه دى حاجه بسيطه كده ههههههههههههههههههههه

موضوع جميل اوى يا اسماءءوبصراحه انا حبيت راى الاعضاء فيه وانا شايفه ان البنت باحترمهابتفرض على الولد انه يكلمها بى احترام وانه يعرف حدوده معاها وصدقينى انا مقتنعه ان البنت الكويسه هى ال تحافظ على نفسها وماتحاولش تسوءها بى اى شكل من الاشكال وانا عن نفسى ما بوافقش اطلاقا عن الصداقه ال بتيجى عن طريق النت تخيلى بقى الحب؟؟؟
وبجد احب اقولك حاجه فلنهايه
ان كل واحده واسلوبها لان الاسلوب دا هو ال بيجبر الشخص ال قدامك انه يحترمك

وميرسى اوى على الموضوع بجد جميل جدا