البيت بيتك................

اللعبه دى انا شوفتها قبل كده وعجبتنى واكيد كلنا عارفنها وهى

ان كل واحد فينا يعتبر نفسه فى بيته وان كل اعضاء المنتدى يكونو

اخوات في بيت العيله

كلنا في بيت واحد

وبيبقى في حوارات وخناقات مع بعض

وبما انى شايفه ان مفيش حد بيدخل من كام يوم كده فيا ريت نصحى

بقى عشان البيت كمان عايز يتنضف ونشوف اللى ورانا بقى ولا

هنفضل نايمين كده ولا هو الواحد عشان

راح مشوار ورجع لقى الكل لسه نايم ولا ايه

ويا رب اللعبه تعجبكوا

أهلا يا ميرود وحمد لله على السلامه

إنتى جيتى نورتى البيتى ههههههههههههههههههههههه

وفكرة اللعبه دى جميله جدا وجديده وبما إنى أنا فى بيتى وإنتى أختى فقومى يللا إعمليلى كباية كابوتشينو هههههههههههههههههه

ايه يا خويا هو انا شغاله عندك ولا ايه ما تقوم تعمل انت ولا عشان بقى انا البنت اعملكوا كل حاجه

وبعدين انا كنت سايبه عشره جنيه ع المكتب هنا مين خدها والا هقول لبابا وشوفوا بقى ايه اللى هيحصل

بالله عليكى متقولى لبابا انا هسدهملك لما ربنا يفرجها ده لو اديتينى كمان عشره لو على سبيل الرصيد حتى وبعدين نفسى اكل سمك من ايدك

اعملهولك انا السمك يا عمر دا انا بعمل بقى شويه رز بالخلطه جمب السمك تاكل صوابعك وراهم بس اكيد لازم اخد حاجه فى المقابل ابقى سلفنى خمسه جنيه من العشره جنيه اللى انت سرقتها

منين انا لو معايا اديكى انما انا طمعان فى كرمك لو معاكى 10 فودافون او اتصالات الهى ربنا ميحوجك لحد ابدا يا اميره يا بنت الامره يا ذوق يا بنت الذوق وياريت مع السمك تنزلى تجيبيلى لترين بيبسى عشان عطشان مووووووووت

يالهوى ع التثبيت ايه الكلام الجامد ده اهو عشان البوقين الحلوين دول هعملك كل اللى انت عايزه

عشره جنيه كمان !!!!!!!!!!!!!!!!!! منين يا عمر مش كفايه العشره جنيه اللى انت خدتها دا ابويا كان مديهالى عشان اصرف نفسى لاخر الشهر اجيب منين انا دلوقتى وبعدين العشره اللى انت خدتها اخرك معايا للجمعه الجايه ياما بقى .................... انت عارفنى مش بسيب حقى

خلاص سومه هتسلفنى هيا العشره جنيه بس مين بقى اللى هيعشينى النهارده؟

ايه الطمع ده؟؟؟؟؟

انت هتعيش ع قفا الناس ولا ايه


انا اصلا خارجه النهارده عشان اتفسح مع صحابى بدل البيت الخنقه والعيشه القرف اللى الواحد عايشها شوف ميرو يمكن توافق

خارجه من غير ماتخدى اذنى لا انا مش موافق وبعدين تخرجى الزاى قبل متغسلى المواعين؟

واانا اخد اذنك ليه اصلا انا ابويا لسه عايش وهو اللى يدينى الاذن ...اسكت خااااااالص

وبعدين فين شرابى انت لبسته ولا ايه هو انا كل مره اقولك مش تلبسه

نعم نعم شرابك انتى ده كان ريحته وحشه لدرجة انى اغمى عليا وديته الغساله
مين اللى هيروح هيغسل؟

بطلو خناق بقى هو الواحد مش يعرف يتفرج ع التليفزيون فى البيت ده ولا ايه اروح فين يعنى مش سامعه حاجه من صوتكوا

والمواعين انا غسلتها خلاص ريحوا نفسكوا

وماما بتقولك يا عمر انزل جيب علبه شاى من عند عم حسنين البقال وقوله بابا هيحاسبك لما ينزل

بابا هيحسبك تانى هيطردنى المره ديه هو كاتب يافطه مكتوب عليها ممنوع الشكك
انزلى انتى

انزل انا !!!!!!!!!!!!!!!!!!!! ماشى يا عمر

ينفع يعنى يكون فى ولد فى البيت والبنت اللى تنزل وبعدين ماما قالت انت اللى هتنزل وشوف بقى مين كلامه الى هيمشى

خلاااااااااااااااااااااااااااااااااااااااااااااااااص
انا هنزل بطلوا دوشة بقي عايز انام

عايز تنام!!!!!!!!!!!!!!!!!! قبل ما تجيب الشاى انزل جيبه الاول وبعدين ابقى نام براحتك بعد كده ولا هو كلام وخلاص

وبعدين اوضتك مالها كده مش باينلها ملامح انت كنت بتلعب فيها مصارعه ولا ايه انا مش كل شويه انضفهالك نضفها انت بقى

الواحد مايعرفش ينام ساعة في البيت ولا ايه
هنزل اجيب الشاي واطلع الاقي الأوضة زي الفل

bs yaaaaaaaad ent w hwaaaaaaaaa


aboko wasl.... dana aseb el bet yomen ala2eh m2lob....eh yad ent w hwa.... btt5an2o w e5wtko 3la eh ya wlaaaaaa...

omy wnaby ya miro haty ktab asnan bta3y ely 3al maktb

wnty ya soma batly kalam f el telephone kfayaaaaaa... hatshloooonyyyyy....oh oh... y5rb betko hatgeboly el da3't....oh..oh.. wel sokr

7aram 3aleee....eee...koooo...ooo

في ايه يا بابا انت تعبان ولا حاجة
تحب اجيبلك لمون تهدي اعصابك :cherry:

انا هقفل التلفون اهو عايز حاجه تانيه منى يا بابا ولا اروح انام
وبعدين يا بابا ابنك عمر عايز يتربى بيقعد يزعقلى ويضربنى كمان وطول النهار يامر وينهى بس ولما اقوله هقول لبابا يقولى قوليله هو انا بيهمنى شوفت يا بابا انت مش تهمه (بهدى النفوس)

وكل حاجه حلوه يا دادى محصل البت ديه كدابه وبعدين انا مش راجل البيت من بعدك يابابا اصلى واخد الخمشنه ديه منك يا بابى وبعدين اطلع بقى بقالك ساعه فى الحمام

:cherry: واد يا عمر قوم من علي الجهاز عايز اقعد علي النت شوية الله يقرفك

انا كدابه يا عمر ماشى دا انا مخبيه حاجات ع بابا ومش راضيه اقولها انت كده بتجبرتى انى اقولها وانا هقولها يابابا ميرو كانت سايبه عشره جنيه راح عمر خدها من وراها ومش رضى يديهالها
ايه رايك بقى يا عمر انا كدابه؟؟؟؟؟؟؟؟؟