مواصفات الفيلم العربى

اهم مواصفات الفيلم العربي
لما يكون البطل عيان وتدخل عليه البطله تديله اسبرينه وكوبايه الميه
وتساله ها عامل ايه
يقولها الحمد لله
ده على اساس انها اديته اكسير الحياة


لما تكون ف سبع اغانى ف نص الفيلم مالهومش اى لااااااااااااااازمه


لما يكون البطل مدمر ومدايق وقاعد بيسكر ويملى الكوبايه على اخرها
والمصيبه انه بيمليها عصير قصب


لما يقعد البطله والبطل ف نفس الكازينو الى متصور فيه تلت تربع افلام مصر
الكافىه الى قدام ماسبيرو
ويطلبوا عصير يابرتقان يابرتقان
وطبعا محدش يلمس الكوبايه عشان هيتصور بيه فيلم تانى


لما ينضرب البطل بالنار ف قلبه وينزل دم من بطنه
ويقعد خمس دقايق يتكلم عشان يكشف لغز الفيلم


لما تشوف فيلم اغراء تقريبا لممثله عندها ستين سنه
زى نبيله عبيد كده


لما تاكول البنت وهيا واقفه وطبعا ممتها تقولها يابنتي كولى كويس
تقوم تبوسها وتقولها عشان الحق المحاضره الاولى ياماما
هو فيه حد بيحضر محاضرات الايام دى


لما تنهار البطله ويخرج من عندها الدكتور ويقول (للاسف عندها صدمه عصبيه حاده ياريت تنفزولها كل الى هيا عايزاه)


لما تقول البطله للبطل انا حامل ويرد عليها بالعباره الشهيره الى ف بطنك ده لازم ينزل
وغالبا بيكون يوسف شعبان


لما يوصل البوليس لموقع الجريمه منغير محد يبلغ
ماهو لازم يوصل اما الفيلم يكمل ازاى

وطبعا النهايه المعروفه لما البطل يتجوز البطله ويخلفوا صبيان وبنات

وكمان مش عارف الموضة الصيف ده
لازم البطل يموت في الأخر
علي الفاضي والمليان

هههههههههههههه
عندك حق عايزين يقلدوا الافلام الهندى

ده يا ريتنا بنعرف نقلد كمان