من طرف dr:miro الأربعاء سبتمبر 30, 2009 2:08 am
اولا رايى فى الاغنيه هى كلاماتها حلوه بس متشائمه اوى وكمان فراق وانا مش بحب التشاؤم
1_اية الى بيخلى اتنين كانوا حبايب يسيبوا بعض (السؤال دة بالذات محدش يختصر فية عاوز اجابة اربع صفحات)وهل الحب بيزيد ولا بيقل بالعشرة ؟(يعنى اما اتنين كانوا بيحبوا بعض واتجوزوا هل الحب بيقل ولا بيزيد ؟ولية ؟
اربع صفحات؟؟؟؟؟!!! هجيب منين يعنى بالنسبه لليه اتنين حبايب يسيبو بعض فده انا قولته بعد كدا فى الاسئله اللى تحت اصل انا جبت من تحت لفوق(معلش بقى)
انا من وجه نظرى المتواضعه ان الحب اكيد بيزيد بالعشره اما بقى لو فه خلافات فده الطبيعى بين اى اتنين مهما كانو والحياه لازم يكون فيها مشاكل بس اللى بيفكر صح هو اللى يقدر يعدى من المشاكل دى بسرعه او ان الطرفين مش يشيلو من بعض وان كل واحد يبقى فاكر للتانى كل حاجه عملها فيه يعنى انا مثلا من النوع انى لو اتخانقت مع اى حد بينتهى الموضوع لما نيجى نتقابل تانى مره وبنتكلم عادى ولا كأن فيه حاجه حصلت ومش بخاصم بقى وابعد لا المفروض ان ده يكون بين اى اتنين بيحبوا بعض ولو فيه كدا هتلاقى الحياه ما بينهم كويسه جداا والحب بيزيد يوم عن يوم
2_اية الى ممكن يخلى اتنين كانوا بيحبوا بعض يسيبوا بعض
2_هل ممكن سنين من الحب تنتهى بكلمة فراق ؟وبيبقى اية السبب؟
وبيبقى اية شعورهم
بصراحه انا بشوف الحاجات دى فى الافلام بس عمرى ما شوفتها فى حياتى وممكن يكون السبب ان الولد مثلا قدامه كتير عشان يكون نفسه والبنت بتكون فى سن الجواز فاهلها بيصرو عليها انها تتجوز باللى هما شايفينه مناسب او ممكن لان اصلا واحد من الطرفين مش كان بيحب بجد وكان واخد الموضوع تسليه وعند اول مشكله بتلاقيهم افترقوا
واكيد شعور الفراق صعب جدااااااااااا انا مش جربت بس لما الواحد يفكر انه يحب شخص جدا ومش يكون شايف غيره فى حيياته وفجأه يلاقيه بعيد عنه اكيد احساس صعب وفيه ناس بتعيش فى حاله اكتئاب لفتره طويله او فيه ناس من الصدمه بيلجأ لاى حد تانى عشان ينسيه اللى فات فبيقع فى مشكله اكبر لانه بعد كدا بيكتشف ان اختياره التانى ده كان غلط
3_لو فى ظلم من اى طرف من الطرفين هل الطرف التانى ممكن يستحمل علشان شكلة قصاد الناس ؟وهل دة صح ولا غلط ؟
كلام الناس بالنسبالك مهم ولا ؟
لو الظلم ده بسيط بعنى خناقات عاديه بين اى اتنين فطبيعى ان الواحد لازم يستحمل ع الاقل لان فيه حب بينهم اما بقى لو كان فيه ظلم كبير واتكرر كذا مره فمش ينفع طرف يستحمل لان البدايه لازم يكزن فيها تفاهم عشان يقدرو يكملو مع بعض زاكيد كلام الناس مش هيفيد فى حاجه زى كدا واذا كان كلام الناس بيهمنى فى مواضيع تانيه بس الموضوع ده الواحد لازم يشيل من دماغه الناس لان ده مستقبل
4_هل لو الاتنين بيحبوا بعض ممكن القدر يقدر يفرق بينهم ؟
اه بتحصل كتيييييييير جدا وفيه ناس بتحب اشخاص جداوفى النهايه كل واحد بيتجوز شخص تانى بس بيفضل كل واحد فاكر ذكرياته دى وساعات بتكون الاسباب دى بسبب الاهل او معظمها بصراحه بسبب الاهل
5_لو مفيش توافق بينك انت والطرف الاخر تفضل تفتضل مستحمل علشان كلام الناس ولامش هيهمك كلام الناس ويكون افضل لك انكوا تكونوا بعاد عن بعض
فيه ناس ممكن يكون بينها اختلاف وفروق فى الشخصيه بس يقدورا يتعايشو مع بعض يعنى ممكن يكون واحد عصبى والتانى هادى فدى مش فيها مشاكل بالعكس فيه فروق بين الشخصيات بتكون لصالحهم اما بقى لو كان فيه اختلاف بدرجه مش تخلينى اقدر اكمل مع الشخص ده فلازم اسيبه لان ده هيبقى جواز بعد كدا وعمرى هقضيه معاه فاهم حاجه انى اكون راضيه عنه ومش هيفدنى كلام الناس فى حياتى بعد كدا
6_هل ازمة الجيل دة التسرع والاندفاع وراء المشاعر ؟وهل اصلا الحب محتاج حسابات وتفكير ولا الحب كلمة ؟
اه اكيد الحب محتاج حسابات لان لو الانسان دخل فيه ولوحب يطلع منه هيطلع بذكريات مؤلمه فلازم يقرر الاول ه الشخص اللى هو شايفه ده بيحبه بجد ولا محرد اعجاب او انبهار بالشخصيه لان فيه ناس بتبقى مش عارفه تحدد مشاعرها بجد وبترجمها ع انها حب وبعد فتره يبتدى يعرف ان اللى كان فيه ده مجرد اعجاب لان الحب عمره ما يتحول لفتور لو كان حب صادق
