قبل الألبوم :
عيشنا ايام جميلة جدا بعد صدور الألبوم الأسطورى " الليلادى " اللى حقق نجاح رهيب وانتهى بحصول " عمرو دياب " على World Music Award للمرة الثالثة بكل جداة وإستحقاق وكلنا كنا فخورين ومالزلنا بإننا جمهور هذاالعملاق واللى دايما بيثق فينا وبيشتغل ويتعب علشانا والحمد لله إحنا دايما عند حسن ظنه وبعد كده انهالت الحفلات كالعادة على دياب ليثيت دائما أنه الأجدر والأحق والأفضل إبتداءا من مارينا 2007 والإبداع اللى شوفناه فيها وأحلى إحتفال بالألبوم الجديد مرورا بعد كده بحفلة القوات الجوية وتكريمه بإحيائها لما يمتلكه من مميزات عن غيره وظهوره بلوك جديد جدا أصبح موضة دلوقتى والكل بيقلدها زى ما كلنا شايفين وهى موضة " الكرافات الرفيعة " واللى ظهر بيها بردو فى حفلة رأس السنة فى دبى ليلة 1/1/ 2008 وظهور دياب ما شاء الله زى ما يكون شاب فى العشرينات وفى قمة تألقه ,
بعد كده حفل أسطورى تانى فى مهرجان موازين فى المغرب وحضور جماهيرى ضخم اكتر من 100 ألف ولقاء الاحباب بين دياب وجمهوره فى المغرب اللى كلنا بنحبه واللى بجد كانت حفلة تحفة , كل ده وكان عقده مع روتانا انتهى وكله مستنى يعرف مين الكسبان اللى جاى وهيقدر على طموح دياب ومحاولات كتيرة من كل الشركات الكبيرة ومنها شركات اجنبية ودياب كالعادة سكوت تام وبكل ثقة هو عارف هو مين وجمهوره يقدر يعمل ايه لحد ما وافقت روتانا على شروط دياب الصارمة واللى بتنص على حماية ألبومه وأعماله والتسويق الجيد لها رغم انه مش محتاج لكل ده وكفاية اسمه لوحده هو اكبر تسويق وعملوا مؤتمر صحفى الأول من نوعه وكالعادة اتقلد المهم اعلنوا فيه الخطوط العريضة للعقد الجديد وفاجئنا بنيو لوك جديد جدا استمر طول السنة وكالعادة اتقلد وهو" حلق شعره "
وبدا دياب بعدها فى التجهيز لألبومه الجديد واللى كلنا كنا مستنينه بفارغ الصبر , بس طبعا دياب لأنه بيعشق جمهوره جدا ما حرموش من التواجد دايما ويمكن اكتر سنة شوفنا دياب فيها كانت 2008 وخصوصا من اول الصيف لما عمل 3 حفلات فى اسبوع واحد اجمد من بعض واللى ابتداها بحفلة سوريا اللى فاجئنا باغانى جديدة أول مرة نسمعها على صورة مواوييل ديابية خاصة به هو وبطريقته اللى بنعشقها زى " آه من الفراق – قال فاكرينك – حاول تنسانى " وفرحة غير عادية من جمهور سوريا الحبيب بدياب وصدمة بالأغانى الجديدة الغير طبيعية واللى كلنا حبيناهم وبعدها ب 3 ايام حفلة مهرجان جرش فى الأردن ولوك جديد فى قمة الشياكة وموضة جديدة ليثبت بها انه فريد فى كل حاجة وانه القائد الحقيقى للفن العربى والموضة لما طلع " ببدلة سمرا وعليها كوتش ابيض " فى قمة الجنتلة اللى متعودين عليها منه واللى فيها بردو تعامل بذكاء وارضى جمهور الأردن الجميل اللى بيعشقه وقال جديد فى الحفلة لما غنى " آه من الفراق – قال فاكرينك بوكبليه جديد -- لو قادر واللى الجمهور طلبها كتيييييير " كمان ما ننساش الموقف الإنسانى الجميل اللى حصل فى الحفلة دى بتاع الديابى الشهير غيث وتصرف دياب الأكثر من ممتاز معاه واللى كلنا متعودين عليه , عودة للوطن علشان الحفل السنوى الأضخم والمحبب للجمهور المصرى فى مارينا بعد حفل الأردن بيومين او 3 تقريبا وتجهيزات وإعلانات وتذاكر خلصت بمجرد صدورها واجهزة صوت وإضاءة اول مرة تستخدم فى الحفلات وجمهور لا يوصف غير بانه عاشق بجنون لشخص إسمه عمرو دياب بأعداد غير متوقعة فاقت كل التقديرات والكل كان بيسأل يا ترى دياب هيقول جديد زى الحفلتين اللى فاتوا ولا ايه ؟؟ وبصراحة الحفلة كانت من أولها مليانة بالمفاجآت من اول الميكس الرهيب ودخول دياب للمسرح بشكل جديد مليان بالحيوية والشباب والجمهور عايش فى عالم ديابى خاص جدا معاه وجت اللحظة اللى كله مستنيها وفاجأنا دياب وغنى " اه من الفراق – قال فاكرينك – ياريت سنك – كوبليه جديد من اغنية مالك " وكان الجمهور فى قمة سعادته فى اليوم التحفة ده واللى إنتهى بموقف ولا أروع لدياب مع دياب اصيل إسمه طاهر الشهير بطاهر مارينا واداله الفرصة بكل زوق وحب انه يطلع على المسرح ويقول كمان اغنية جديدة وده يدل اد ايه دياب انسان كبير بتصرفاته وانسان بجد قبل ما يكون فنان , وبكده دياب بكل ذكاء قدر يحقق المعادلة الصعبة ويرضى الجمهور كله فى كل مكان ويجدد فى كل حفلة رغم تقارب المواعيد وكمان يطمن الجمهور فى العالم كله ان فى جديد وانه مبشر جدا وعلشان عارف انه واحش الجمهور جدا ونفسه يسمع منه جديد وده بردو اللى بيميزه عن غيره .
وإنتهى صيف ديابى جدا رغم ان مفيش ألبوم جديد بس دياب قدر يعوض جمهوره ويحسسه انه معاهم على طول واستمر التحضير للألبوم الجديد فى الوقت ده والجمهور بيزيد يوم عن يوم وده الطبيعى وبيحب دياب اكتر من اللى بيشوفه منه من إبهار فى كل حاجة وتصرفات إنسانية وفن راقى مختلف ومحترم وجديد كمان الحقد بيزيد من كل ناحية وبدات الاخبار تتوالى ان الألبوم فى آخر السنة ليلة رأس السنة وعلى ما ينزل دياب كان مجهز مفاجأة ولا أروع بإنتهاء تصوير البرنامج الأسطورى " الحلم " اللى بردو فريد فى كل حاجة وبعدها اللى له واللى مالوش فيها وقتها قال هعمل برنامج مشوارى الفنى ومنهم ناس مشوارهم لسه فى بدايته وكله يكسف بس التقليد الأعمى فى دمهم والغيرة قتلاهم وبدأ عرض حلقاته وبالفعل فى شهر نوفمبر كان كل يوم أربعاء يوم عيد الديابيانز فى كل مكان علشان ده ميعاد الحلقة الجديدة من البرنامج واللى له أهداف جميلة للى يركز فى البرنامج هيعرفها واللى وضحنا جزء منها قبل كده وهنكمل إن شاء الله الباقى واللى من خلال البرنامج بان اد ايه الراجل ده تعب جدا وطلع السلم صح وبراحته وبتعب ومجهود لا يوصف واد ايه كانت النتيجة مبشرة وصدى النجاح الخرافى فى العالم كله والبرنامج معمول للجمهور كله اللى ما يعرفش مين هو دياب قبل اللى يعرفه وبجد كنا مستمتعين به جدا وبالمشوار العجيب ده اللى اكيد ما يعملهوش غير انسان خرافى زى دياب واللى وضح لناس كتير جدا ما كانتش متخيلة ان فى مطرب عربى بالقوة والمكانة دى فى العالم كله وقتها عرفوا قيمة دياب جدا وبدأوا يتابعوه واللى مكنش بيسمع دياب بدأ يسمع كل أغانيه وزادت القاعدة الجماهيرية على مستوى العالم ماشاء الله أكتر وأكتر , فى نفس الوقت لقينا الحقد والغل اللى مالى قلوب بعض الأشخاص اللى ما يستحقوش حتى مجرد ذكر إسمهم هنا بدأ يحركهم علشان يفسدوا فرحتنا وفرحة نجمنا بالبرنامج برفع قضايا ملهاش لازمة بكل سذاجة على اساس ان دياب يرجعله او حتى يهزه بس على مين دياب ما بيعملش حاجة غير وهو واثق منها وعلى ارض صلبة علشان كده ولا عبره واستمر البرنامج غصب عنه والجمهور كمان فاهم اوى ان ده شخص مريض بعمرو دياب واللى بيعمله ده تخبيط مالوش لازمة ومفهموم وإنه أقل من إن أى حد يرد عليه وبكده بدل ما هو كان بيحاول يفسد فرحتنا خسر هو لأن الحق دايما أقوى وزاد حقده وغله أكتر وبقى على إستعداد يبيع نفسه بعد كرامته اللى اصلا مش موجوده كمان بدأ يشترى ضمير بعض المرضى وضعاف النفوس اللى زيه من الصحفيين والإعلاميين علشان يحارب إنسان كل مشكلته إنه ناجح وفى حاله ما بيردش على حد إلا بنجاح فعلى يخليه اقوى من الاول لأن ببساطة هو ده العدل .
وجه الميعاد اللى كلنا بنحلم بيه ومستنيينه من سنة ونص وهو إصدار الألبوم الجديد فى ليلة رأس السنة والبرنامج شغال يعنى وقت ديابى جدا بس دايما الطبع غلاب والراجل اللى كلنا بنحبه طبعه واخلاقه انسان جدا ووطنى جدا وعلى دراية كاملة باللى حواليه وبقدر كل الناس فى الوقت ده كان العدوان الإسرائيلى الغاشم على إخواننا فى غزة واللى كان بيزيد يوم عن يوم واللى كلنا اتأثرنا واتعاطفنا جدا معاهم وكل واحد عمل اللى يقدر يعمله وطبعا دياب مش محتاج حد يزايد على وطنيته ومن نفسه أجل الألبوم لأن الوقت غير مناسب وكلنا فى حالة حزن شديد , مش بس كده ده هو الوحيد اللى اصر ان يعمل حفلة رأس السنة فى دبى وما يلغيهاش زى باقى المطربين واتصرف بعقل اوى لما احياها واتبرع بأجرها للهلال الاحمر المصرى واللى كتير شكك فى الموضوع ده الحاقدين اللى برد عليه وبقول دى حاجة بينه وبين ربنا مش لازم يعنى ييجى يوريكم الشيك اللى اتحول بيه المبلغ وكمان بدل ما تتكلموا اتعلموا ازاى تعملوا حاجة صح مرة واحدة بدل ما انتوا خلاص مبقاش فيكم حاجة من كتر الغيرة والغل والسواد اللى فى قلوبكم , ودى كانت المرة الأولى اللى يتأجل فيها الألبوم وبكده إنتهت السنة من غير وجود دياب رسميا فيها ورغم كده فاز فى إستفتاءات كتيرة جدا واستمر ألبوم الليلادى شغال ويتباع وكأنه لسه جديد وبدات 2009 والحلم لسه شغال وكان تقريبا فى نصه وكل حلقة فيها جديد ومتعة ومعلومات وحاجات كتيرة جدا اتعلمناها من البرنامج ده واللى كان مليان بالمفاجآت الجميلة واللى كان عدد حلقاته 12 حلقة تزامنت الحلقة الأخيرة مع ميعاد حفل ليالى فبراير فى الكويت ومع الميعاد اللى كان محدد لصدور الألبوم وهو عيد الحب بس للأسف اتسرب 4 أغانى كانوا المفروض ضمن الألبوم وبصراحة كانوا اجمل من بعض وبينوا اد ايه الألبوم ده هيبقى تحفة فنية ومليان بالتجديد وهم " بعدت ليه – ليه – إلا حبيبى – مكنتش ناوى " اللى قلبوا الدنيا ومن جمالهم الناس افتكرتهم ألبوم جديد للهضبة مع الإعلان التاريخى اللى يعتبر أقوى وأشهر إعلان عربى لدياب مع شركة المياه الغازية وهو " الله على حبك انت " اللى بيه رد على كل الناس وقدر ينتشر إنتشار رهيب وكان رينج تون لمعظم الموبايلات فى مصر كل ده فى 30 ثانية بس ونجح نجاح ما عملوش ناس نزلت ألبومات كاملة وكل يوم قارفينا بسنجلات وألبومات ولا ليها طعم ولا فيها اى فن كلها قلة أدب وإسفاف وتفاهة تدل على صاحبها وفاكرين نفسهم مطربين ومنتشرين كان لازم يفوقوا من الغيبوبة اللى عايشين فيها واللى قدر يفوقهم ويحط كل واحد فى مكانه الصحيح هو " عمرو دياب " اللى بيعرف يتواجد فى الوقت المناسب والوقت اللى هو عايزه وده اقوى وابلغ رد على كل فاشل حاقد ابله وبعد كده الإعلان اللذيذ جدا والممتع " طمنى " اللى بجد مالوش حل ودخل قلوب الناس بسرعة من فكرتع وصوت دياب فيه وشقاوة الإعلان .
عيشنا ايام جميلة جدا بعد صدور الألبوم الأسطورى " الليلادى " اللى حقق نجاح رهيب وانتهى بحصول " عمرو دياب " على World Music Award للمرة الثالثة بكل جداة وإستحقاق وكلنا كنا فخورين ومالزلنا بإننا جمهور هذاالعملاق واللى دايما بيثق فينا وبيشتغل ويتعب علشانا والحمد لله إحنا دايما عند حسن ظنه وبعد كده انهالت الحفلات كالعادة على دياب ليثيت دائما أنه الأجدر والأحق والأفضل إبتداءا من مارينا 2007 والإبداع اللى شوفناه فيها وأحلى إحتفال بالألبوم الجديد مرورا بعد كده بحفلة القوات الجوية وتكريمه بإحيائها لما يمتلكه من مميزات عن غيره وظهوره بلوك جديد جدا أصبح موضة دلوقتى والكل بيقلدها زى ما كلنا شايفين وهى موضة " الكرافات الرفيعة " واللى ظهر بيها بردو فى حفلة رأس السنة فى دبى ليلة 1/1/ 2008 وظهور دياب ما شاء الله زى ما يكون شاب فى العشرينات وفى قمة تألقه ,
بعد كده حفل أسطورى تانى فى مهرجان موازين فى المغرب وحضور جماهيرى ضخم اكتر من 100 ألف ولقاء الاحباب بين دياب وجمهوره فى المغرب اللى كلنا بنحبه واللى بجد كانت حفلة تحفة , كل ده وكان عقده مع روتانا انتهى وكله مستنى يعرف مين الكسبان اللى جاى وهيقدر على طموح دياب ومحاولات كتيرة من كل الشركات الكبيرة ومنها شركات اجنبية ودياب كالعادة سكوت تام وبكل ثقة هو عارف هو مين وجمهوره يقدر يعمل ايه لحد ما وافقت روتانا على شروط دياب الصارمة واللى بتنص على حماية ألبومه وأعماله والتسويق الجيد لها رغم انه مش محتاج لكل ده وكفاية اسمه لوحده هو اكبر تسويق وعملوا مؤتمر صحفى الأول من نوعه وكالعادة اتقلد المهم اعلنوا فيه الخطوط العريضة للعقد الجديد وفاجئنا بنيو لوك جديد جدا استمر طول السنة وكالعادة اتقلد وهو" حلق شعره "
وبدا دياب بعدها فى التجهيز لألبومه الجديد واللى كلنا كنا مستنينه بفارغ الصبر , بس طبعا دياب لأنه بيعشق جمهوره جدا ما حرموش من التواجد دايما ويمكن اكتر سنة شوفنا دياب فيها كانت 2008 وخصوصا من اول الصيف لما عمل 3 حفلات فى اسبوع واحد اجمد من بعض واللى ابتداها بحفلة سوريا اللى فاجئنا باغانى جديدة أول مرة نسمعها على صورة مواوييل ديابية خاصة به هو وبطريقته اللى بنعشقها زى " آه من الفراق – قال فاكرينك – حاول تنسانى " وفرحة غير عادية من جمهور سوريا الحبيب بدياب وصدمة بالأغانى الجديدة الغير طبيعية واللى كلنا حبيناهم وبعدها ب 3 ايام حفلة مهرجان جرش فى الأردن ولوك جديد فى قمة الشياكة وموضة جديدة ليثبت بها انه فريد فى كل حاجة وانه القائد الحقيقى للفن العربى والموضة لما طلع " ببدلة سمرا وعليها كوتش ابيض " فى قمة الجنتلة اللى متعودين عليها منه واللى فيها بردو تعامل بذكاء وارضى جمهور الأردن الجميل اللى بيعشقه وقال جديد فى الحفلة لما غنى " آه من الفراق – قال فاكرينك بوكبليه جديد -- لو قادر واللى الجمهور طلبها كتيييييير " كمان ما ننساش الموقف الإنسانى الجميل اللى حصل فى الحفلة دى بتاع الديابى الشهير غيث وتصرف دياب الأكثر من ممتاز معاه واللى كلنا متعودين عليه , عودة للوطن علشان الحفل السنوى الأضخم والمحبب للجمهور المصرى فى مارينا بعد حفل الأردن بيومين او 3 تقريبا وتجهيزات وإعلانات وتذاكر خلصت بمجرد صدورها واجهزة صوت وإضاءة اول مرة تستخدم فى الحفلات وجمهور لا يوصف غير بانه عاشق بجنون لشخص إسمه عمرو دياب بأعداد غير متوقعة فاقت كل التقديرات والكل كان بيسأل يا ترى دياب هيقول جديد زى الحفلتين اللى فاتوا ولا ايه ؟؟ وبصراحة الحفلة كانت من أولها مليانة بالمفاجآت من اول الميكس الرهيب ودخول دياب للمسرح بشكل جديد مليان بالحيوية والشباب والجمهور عايش فى عالم ديابى خاص جدا معاه وجت اللحظة اللى كله مستنيها وفاجأنا دياب وغنى " اه من الفراق – قال فاكرينك – ياريت سنك – كوبليه جديد من اغنية مالك " وكان الجمهور فى قمة سعادته فى اليوم التحفة ده واللى إنتهى بموقف ولا أروع لدياب مع دياب اصيل إسمه طاهر الشهير بطاهر مارينا واداله الفرصة بكل زوق وحب انه يطلع على المسرح ويقول كمان اغنية جديدة وده يدل اد ايه دياب انسان كبير بتصرفاته وانسان بجد قبل ما يكون فنان , وبكده دياب بكل ذكاء قدر يحقق المعادلة الصعبة ويرضى الجمهور كله فى كل مكان ويجدد فى كل حفلة رغم تقارب المواعيد وكمان يطمن الجمهور فى العالم كله ان فى جديد وانه مبشر جدا وعلشان عارف انه واحش الجمهور جدا ونفسه يسمع منه جديد وده بردو اللى بيميزه عن غيره .
وإنتهى صيف ديابى جدا رغم ان مفيش ألبوم جديد بس دياب قدر يعوض جمهوره ويحسسه انه معاهم على طول واستمر التحضير للألبوم الجديد فى الوقت ده والجمهور بيزيد يوم عن يوم وده الطبيعى وبيحب دياب اكتر من اللى بيشوفه منه من إبهار فى كل حاجة وتصرفات إنسانية وفن راقى مختلف ومحترم وجديد كمان الحقد بيزيد من كل ناحية وبدات الاخبار تتوالى ان الألبوم فى آخر السنة ليلة رأس السنة وعلى ما ينزل دياب كان مجهز مفاجأة ولا أروع بإنتهاء تصوير البرنامج الأسطورى " الحلم " اللى بردو فريد فى كل حاجة وبعدها اللى له واللى مالوش فيها وقتها قال هعمل برنامج مشوارى الفنى ومنهم ناس مشوارهم لسه فى بدايته وكله يكسف بس التقليد الأعمى فى دمهم والغيرة قتلاهم وبدأ عرض حلقاته وبالفعل فى شهر نوفمبر كان كل يوم أربعاء يوم عيد الديابيانز فى كل مكان علشان ده ميعاد الحلقة الجديدة من البرنامج واللى له أهداف جميلة للى يركز فى البرنامج هيعرفها واللى وضحنا جزء منها قبل كده وهنكمل إن شاء الله الباقى واللى من خلال البرنامج بان اد ايه الراجل ده تعب جدا وطلع السلم صح وبراحته وبتعب ومجهود لا يوصف واد ايه كانت النتيجة مبشرة وصدى النجاح الخرافى فى العالم كله والبرنامج معمول للجمهور كله اللى ما يعرفش مين هو دياب قبل اللى يعرفه وبجد كنا مستمتعين به جدا وبالمشوار العجيب ده اللى اكيد ما يعملهوش غير انسان خرافى زى دياب واللى وضح لناس كتير جدا ما كانتش متخيلة ان فى مطرب عربى بالقوة والمكانة دى فى العالم كله وقتها عرفوا قيمة دياب جدا وبدأوا يتابعوه واللى مكنش بيسمع دياب بدأ يسمع كل أغانيه وزادت القاعدة الجماهيرية على مستوى العالم ماشاء الله أكتر وأكتر , فى نفس الوقت لقينا الحقد والغل اللى مالى قلوب بعض الأشخاص اللى ما يستحقوش حتى مجرد ذكر إسمهم هنا بدأ يحركهم علشان يفسدوا فرحتنا وفرحة نجمنا بالبرنامج برفع قضايا ملهاش لازمة بكل سذاجة على اساس ان دياب يرجعله او حتى يهزه بس على مين دياب ما بيعملش حاجة غير وهو واثق منها وعلى ارض صلبة علشان كده ولا عبره واستمر البرنامج غصب عنه والجمهور كمان فاهم اوى ان ده شخص مريض بعمرو دياب واللى بيعمله ده تخبيط مالوش لازمة ومفهموم وإنه أقل من إن أى حد يرد عليه وبكده بدل ما هو كان بيحاول يفسد فرحتنا خسر هو لأن الحق دايما أقوى وزاد حقده وغله أكتر وبقى على إستعداد يبيع نفسه بعد كرامته اللى اصلا مش موجوده كمان بدأ يشترى ضمير بعض المرضى وضعاف النفوس اللى زيه من الصحفيين والإعلاميين علشان يحارب إنسان كل مشكلته إنه ناجح وفى حاله ما بيردش على حد إلا بنجاح فعلى يخليه اقوى من الاول لأن ببساطة هو ده العدل .
وجه الميعاد اللى كلنا بنحلم بيه ومستنيينه من سنة ونص وهو إصدار الألبوم الجديد فى ليلة رأس السنة والبرنامج شغال يعنى وقت ديابى جدا بس دايما الطبع غلاب والراجل اللى كلنا بنحبه طبعه واخلاقه انسان جدا ووطنى جدا وعلى دراية كاملة باللى حواليه وبقدر كل الناس فى الوقت ده كان العدوان الإسرائيلى الغاشم على إخواننا فى غزة واللى كان بيزيد يوم عن يوم واللى كلنا اتأثرنا واتعاطفنا جدا معاهم وكل واحد عمل اللى يقدر يعمله وطبعا دياب مش محتاج حد يزايد على وطنيته ومن نفسه أجل الألبوم لأن الوقت غير مناسب وكلنا فى حالة حزن شديد , مش بس كده ده هو الوحيد اللى اصر ان يعمل حفلة رأس السنة فى دبى وما يلغيهاش زى باقى المطربين واتصرف بعقل اوى لما احياها واتبرع بأجرها للهلال الاحمر المصرى واللى كتير شكك فى الموضوع ده الحاقدين اللى برد عليه وبقول دى حاجة بينه وبين ربنا مش لازم يعنى ييجى يوريكم الشيك اللى اتحول بيه المبلغ وكمان بدل ما تتكلموا اتعلموا ازاى تعملوا حاجة صح مرة واحدة بدل ما انتوا خلاص مبقاش فيكم حاجة من كتر الغيرة والغل والسواد اللى فى قلوبكم , ودى كانت المرة الأولى اللى يتأجل فيها الألبوم وبكده إنتهت السنة من غير وجود دياب رسميا فيها ورغم كده فاز فى إستفتاءات كتيرة جدا واستمر ألبوم الليلادى شغال ويتباع وكأنه لسه جديد وبدات 2009 والحلم لسه شغال وكان تقريبا فى نصه وكل حلقة فيها جديد ومتعة ومعلومات وحاجات كتيرة جدا اتعلمناها من البرنامج ده واللى كان مليان بالمفاجآت الجميلة واللى كان عدد حلقاته 12 حلقة تزامنت الحلقة الأخيرة مع ميعاد حفل ليالى فبراير فى الكويت ومع الميعاد اللى كان محدد لصدور الألبوم وهو عيد الحب بس للأسف اتسرب 4 أغانى كانوا المفروض ضمن الألبوم وبصراحة كانوا اجمل من بعض وبينوا اد ايه الألبوم ده هيبقى تحفة فنية ومليان بالتجديد وهم " بعدت ليه – ليه – إلا حبيبى – مكنتش ناوى " اللى قلبوا الدنيا ومن جمالهم الناس افتكرتهم ألبوم جديد للهضبة مع الإعلان التاريخى اللى يعتبر أقوى وأشهر إعلان عربى لدياب مع شركة المياه الغازية وهو " الله على حبك انت " اللى بيه رد على كل الناس وقدر ينتشر إنتشار رهيب وكان رينج تون لمعظم الموبايلات فى مصر كل ده فى 30 ثانية بس ونجح نجاح ما عملوش ناس نزلت ألبومات كاملة وكل يوم قارفينا بسنجلات وألبومات ولا ليها طعم ولا فيها اى فن كلها قلة أدب وإسفاف وتفاهة تدل على صاحبها وفاكرين نفسهم مطربين ومنتشرين كان لازم يفوقوا من الغيبوبة اللى عايشين فيها واللى قدر يفوقهم ويحط كل واحد فى مكانه الصحيح هو " عمرو دياب " اللى بيعرف يتواجد فى الوقت المناسب والوقت اللى هو عايزه وده اقوى وابلغ رد على كل فاشل حاقد ابله وبعد كده الإعلان اللذيذ جدا والممتع " طمنى " اللى بجد مالوش حل ودخل قلوب الناس بسرعة من فكرتع وصوت دياب فيه وشقاوة الإعلان .