من طرف suffer in silence الجمعة نوفمبر 20, 2009 7:43 am
ايه يا جماعه فى ايه ايه الماتش اللى عمل فينا كدا ماكانش ماتش دا
ايه ياعمر يعنى ايه ماينفعش نسيب جزائرى حى علي ارض مصر انتوا بتهزروا ولا ايه دا شغل ناس همجييين ماعندهمش لا عقل ولاقلب ولا بيعرفوا يفكروا امال ايه بقى مصر ام الدنيا والشعارات الجميله دى انا مابقولش ان احنا نسكت وما ناخدش حقنا لا طبعا لازم يرجعلنا حقنا كامل بس مش بالطريقه دى احنا ماينفعش نسكت على حقنا بس حقنا مايجيش يان احنا نقتل الجزائريين على ارض مصر(اللى هى ام الدنيا) المفروض جكومتنا (اسمحولى اقول المعفنه)تاخدلنا حقنا وده بانها تنهى العلاقات اللي بين مصر والجزائر لغاية ما يقدمولنا اعتذار رسمى وتعويض للاهالى ولكل واحد اتضرر فعلا الجزائريين كانوا بيلعبوا باستهبال ويستاهلوا الحرق بس ربنا اللى حايخدلنا حقنا
عمر احنا اخوات وكلنا مسلمين لما احناالمسلمين نعمل كدا فى اخواتنا امال اليهود يعملوا فينا ايه
وبعدين انت بتقول ((واول حاجه المفروض نعملها نولع فى لاعيبتنا وجهازنا الفنى)) هما لما يكسبوا تبقى مبسوط وتقول هيييييه ولما يخسروا تقول نولع فيهم(( معاهم معاهم ..عليهم عليهم)) حرام عليك انت كدا أنانى اتقى ربنا شويه واحترم تعبهم ماحدش يقدر يتخيل هما تعبو قد ايه كفايه انهم داخلين الماتش وهما خايفين احنا لازم نقف جنبهم وما ندعيش عليهم ونولع فيهم هما عملوا اللى قدروا عليه ودى ارادة ربنا يبقى نقول الحمد لله ونبص للجانب الايجابى على الاقل لو كنا كسبنا كان زمان المنتخب كله ميت وخيرها فى غيرها ياسيدى
اكيد طبعا كلنا زعلانين وحنموت مش عشان خسرنا وبس لا كمان عشان اللى حصل لنا دا وبعدين انتوا لازم تحطوا الاحتمالات كلها قدامنا اصل هما مش هيعملوا فينا كدا ولا حيجيبوا طيرات عسكريه ولايكسروا الباصات الا اذا كان فى حاجه اكبر من كدا بكتير وبعدين مافيش اى دوله عندها ريحة العقل حتبعت طيارات عسكريه ماتش ولا حتخاطر بمستقبلها السياسى قدام العالم الا فى حاله واحده لو كانت شخصيات عسكريه مهمه رايحه الماتش
((وكفاية طبطبة كفاية بقي ننضرب من طوب الارض ونقول احنا اولاد النيل)) انا معاك فى كدا ومستعده اقوم واعمل مظاهره حالا عشان اللى بيحصلنا دا انا مش راضيه عنه
بس عايزه اسال سؤال محرج كانت فين النخوه دى لما عرفتوا ان المسجد الاقصى بيتهد وان الفلسطيين والعراقيين والشيشانييين......الخ الخ الخ بيتدبحوا وكان فين الغضب دا واهى كانت حاجه مهمه المسجد الاقصى مش كوره
((والناس اللى بتموت ديه من يجيبلها حقها انا واحد كان بيتفرج معايا نقلناه على المستشفى الله اعلم بيه دلوقتى حررااااااام))
والناس اللى بتموت هناك من يجيبلهم حقهم ياحرام نقلتوه على المستشفى
صعب عليا قوى
انا اسفه جدا طولت عليكوا
