تحت المجهر..........

سمسم انا مش هسالك عشان انا عارف عنك كل حاجه واسئلتى هتبقى محرجه
بس انا مزنوق فى سؤال كده ليه انته مواعيدك عمرها مكانت مظبوطه وبطلع عين اللى خلفونى من كتر البطى والتاخير ؟
وهل ممكن تتغير ؟
هل ممكن تحب واحده صاحبك كان بيحبها حتى لو هيا عايزاك؟
وايه اكتر الاسماء اللى بتحبها من اابنات والاولاد؟
مش هتطرق للمسائل الشخصيه

طبعا يسعدنا ان يبقى معانا ضيف عزيز زى عمر فى برنامجنا (تحت المجهر)
وكما وعدناكم بالرد على تساؤلاتكم دلوقتى هاجوبك

الاجابة ع السؤال الاول:
اولا شكرا ع التسييح الجامد اللى انت عملته ليا
وانا بعترف فعلا ان مواعيدى غالبا ما بتبقاش مظبوطة وانك بتعانى معايا فى الموضوع ده خصوصا ايام الجامعة
بس والله عمرى ما تأخرت ولا مرة بمزاجى او لانى قاصد التأخير
بس لازم تطلعلى حاجة تعطلنى او اقابل حد يقعد يرغى معايا كتير او فى حاجة ضاعت منى وبدور عليها او حاجة نسيتها وارجع اجيبها او الطريق بيبقى مقفول
يعنى كلها حاجات خارجة من ايدى
وده لانى ببقى حاسب هاعمل ايه بالثانية ومابنزلش بدرى عشان كدة وعشان كدة اى خلل بيحصل بيبوظ مواعيدى خالص

وانا بحاول فعلا اغير الموضوع ده ومواعيدى بدأت تتظبط احسن من الأول (اى خدمة)

بالنسبة للسؤال الثانى:
انا استحالة احب واحدة كان صاحبى بيحبها حتى ولو نسيها وهى بتحبنى
لانى ممكن احس بالغيرة عليها من صاحبى
وبعدين البنات مش خلصت لما اختار واحدة صاحبى كان بيحبها او هى كانت بتحبه


اكتر الاسماء اللى بحبها فى البنات و الاولاد
الأولاد : بحب اسمى وبحب اسم شريف
البنات: بحب اسم نانسى

وااسف على الإطالة

اولا يا ريت يا اسامة اسئلتى تكون خفيفة عليك

_ ايه اول حاجه بتلفت نظرك فى البنت (شياكتها ولا شخصيتها ولا تدينها ولا ايه بالظبط )

- ايه الصفة اللى فيك اللى بتحس ان زمايلك مدايقين منها

- بما انك فى صيدلة مين هو الدكتور اللى كنت مدايق منه اوى فى سنة اولى ونفسك تقتله

اولا يا ريت يا اسامة اسئلتى تكون خفيفة عليك

اكيد خفيفة عشان منك (اى خدمة)

_ ايه اول حاجه بتلفت نظرك فى البنت (شياكتها ولا شخصيتها ولا تدينها ولا ايه بالظبط )

اول حاجة تلفت نظرى المظهر يعنى شياكتها عشان البنت لازم تبقى مهتميه بنفسها وبلبسها و عشان لبسها بيبين تدينها وكمان البيئة والمكان اللى عايشة فيه
واكيد لبسها مش كل حاجة عشان طريقة الكلام بتبين شخصيتها وتفكيرها

-ايه الصفة اللى فيك اللى بتحس ان زمايلك مدايقين منها
انا شايف ان مواعيدى شوية مش مظبوطة بس الحمد لله بدأت تتظبط
ولو فى حد من صحابى شايف حاجة يقولها بصراحة

- بما انك فى صيدلة مين هو الدكتور اللى كنت مدايق منه اوى فى سنة اولى ونفسك تقتله
الدكتور اللى كنت مخنوق منه ع الآخر هو الدكتور سميح الدهمى
عشان انتى عارفة طريقته فى المحاضرة كان بيزعأ لنا ازاى وماكنش بيشرح حاجة
وكفاية انه شرح اكبر جزء فى المنهج فى محاضرة واحدة وده غير الأبحاث اللى زهقنا منها
بس بصراحة عجبنى فى الايام الأخيرة لما كان بيلغى حاجات فى العملى ولما جاب الامتحان سهل لان كان المتوقع ان الامتحان يبقى ناااار لان امتحاناته بتبقى صعبة جدا

ونأسف ع الإطالة

thnxXxXxXx ya gama3a 3ala el topic el gemed ... w fkrto 7lwaaa .... baas ana m3ndesh ay as2la lsa .... e3faaaa2

عندك حق يا اسامه بجد الدكتور سميح كان فى الاول معانا شديد اوى بس بصراحه فى الاخر طلع جدع ومحدش شال الماده خالص

وممكن اسال انا كمان شويه اسئله معلش بقى

هل شخصيتك بالنت هي نفس شخصيتك الطبيعية ؟

ايه اكتر حاجه ممكن تخليك تخاف ؟؟

حققت هدفك فى الحياه ولا لسه بتبتدى تحققه ولا حاسس انك مش حققت حاجه اصلا؟

شايف نفسك معقد ولا الحياه عندك ايزى خالص؟

من هو مكتشف المصباح الكهربى ومش تبحث فى جوجل خليك صريح؟

امتى اخر مره شربت فيها لبن؟

تحب تسافر تشتغل بره مصر ولا هتقول مصر هى امى ؟

وممكن اسال انا كمان شويه اسئله معلش بقى
انتى تأمرى مش تسألى بس

هل شخصيتك بالنت هي نفس شخصيتك الطبيعية ؟
انا شخصيتى واحدة النت زى حياتى العادية ولما بجاوب على سؤال بجاوبه بصراحة كامله
ولما بقول رأيى فى حاجة بيبقى نفس رأيى بدون تكلف او نفاق

ايه اكتر حاجه ممكن تخليك تخاف ؟؟
بصراحة معرفش بس ممكن اقول انى قلقان من بكرة شوية يعنى معرفش بكرة فيه ايه
هل هابقى مبسوط فى حياتى؟ ولا حياتى هايبقى كلها مشاكل
دى الحاجة اللى احيانا بتشغل تفكيرى

حققت هدفك فى الحياه ولا لسه بتبتدى تحققه ولا حاسس انك مش حققت حاجه اصلا؟

انا ابتديت احقق حلمى لما دخلت الكلية بس لسة فى كتير من احلامى ان شاء الله احققها لما اخلص دراسة واشتغل

شايف نفسك معقد ولا الحياه عندك ايزى خالص؟
والله الدنيا حلوة معايا لحد دلوقتى ويارب تستمر كدة
يعنى فى ايام حلوة وفى ايام وحشة بس الحمد لله الأيام الحلوة أكتر

من هو مكتشف المصباح الكهربى ومش تبحث فى جوجل خليك صريح؟
انا افتكر انى درست المعلومة دى قبل كدة بس مش فاكرها خااااالص

امتى اخر مره شربت فيها لبن؟
من حوالى شهر بس ليه السؤال الغريب ده؟؟؟؟؟


تحب تسافر تشتغل بره مصر ولا هتقول مصر هى امى ؟
انا ناوى ان شاء الله اسافر سنتين او تلاتة بالكتير

وبشكرك على اسئلتك

ابقى قابلنى لو نفعت فى السفر مع احترامى ليك السفر عايز ضبط مواعيد لاز الساعه تتظبط عليك زى كده

ماشى ياعم البندول
وانا هاروح اشتغل مسحراتى؟؟؟ عادى يعنى هاتسلك

لا والله بره لو اتاخرت على معادك خمس دقايق بيفنشوك

ميرسى يا اسامه ع اجاباتك كانت واضحه وبعدين انا سؤال اللبن ده جه فى بالى كده عادى يعنى

tb kways ya smsm

tl3t dma3'k 7lwa aho
hhhhhhhhhhhhhhhhhhhhh

la walahy bgd smsm mn aktr el nas ely ba7bha w ba7kelha 3la 7agat kter

على رغم من اللى انته بتعمله فيا الا انى بحبك جدا وبرتاح فى الكلام معاك

يااسامه ممكن اسألك كام سؤال ؟


1- اللى انت كنت بتحبها السنه اللى فاتت عرفت انها مرتبطه ازاى

2- ممكن تحب عن طريق النت حتى من غير ما تعرف الشخصيه دى

3-انت وزنك كام

4- هل انت رياضى

5- ساعة حدوث الجريمه كنت فين وبتعمل ايه؟؟؟؟؟؟؟؟ هههههههههه


جاوب بقى ومتكولش الاسئله

هههههههههههههههههههههه ايه الاسئلة دى يا احمد
ع العموم مستنيين اجاباتك يا اسامة

يااسامه ممكن اسألك كام سؤال ؟
اكيد يا احمد وانت نورتنا فى تحت المجهر

1- اللى انت كنت بتحبها السنه اللى فاتت عرفت انها مرتبطه ازاى
اولا يا احمد كنت معجب بيها ومالحقتش احبها
وعرفت انها مرتبطة اول حاجة كنت بشوفها كتير اوى بتتكلم فى الموبايل وتبعد عن صاحبتها وتتكلم وهى مكسوفة وباين من طريقة الكلام
وبعد كدة شفتها بالصدفة مع واحد فى الجامعة قاعدين لوحدهم وصاحبتها قاعدة لوحدها بعيد
ومن ساعتها نسيت الموضوع خالص


2- ممكن تحب عن طريق النت حتى من غير ما تعرف الشخصيه دى
لا ماينفعش احب واحدة من غير م اشوفها لانى ماعرفش اذا كانت الشخصية اللى ظاهرة بيها حقيقية ولا لأ وبعدين الشخصية مش بتبان اوى من النت يعنى احنا مثلا ع المنتدى محدش اكتشف عيب فى التانى مع ان اى انسان فيه عيوب
يعنى انت تحكم ع الشخصية من المواقف مش من الكلام
وبعدين الشخصية مش كل حاجة يعنى فى معايير تانيه مهمة


3-انت وزنك كام
وزنى 78 كيلو


4- هل انت رياضى
انا كنت بلعب فى الجيم قبل رمضان بس رمضان لما جه بقيت بكسل
وان شاء الله بعد العيد ارجع تانى لانى بحب الرياضة جدا
ونفسى ابقى زى عمرو دياب وانا فى سنه


- ساعة حدوث الجريمه كنت فين وبتعمل ايه؟؟؟؟؟؟؟؟
كنت عند المفتش كرومبو بسأله مين اللى ارتكب الجريمة

ياريت تكون اجاباتى واضحة

الجابات واضحه وتمام ع الاخر ولو خلاص كدا اكتفى الاعضاء من اسئلتك يا اسامه يا ريت تختار حد يقعد مكانك ع كرسى الاعتراف

والله يا خالد مش نسيتك بس افتكرتك مش عايز تسال بسسسسسسسسسسسسسسسسسس

تسلم يااسامه انت طلعت عاقل موووووووووووووووووووووت

بشكرك يا احمد على رأيك فيا
صراحة اول مرة الاقيك بتقول كلام حلو

وعلى فكرة يا خالد سوما قاصدة انها تنساك انت بالذات
معرفش انت عملتلها ايه عشان تتجاهلك خاااالص كدة (انا بحاول اهدى النفوس)
اسألتك كتيييييييير اوى يا خالد
حرام عليك بقولك خليك حنين فى اسئلتك
بس هاجاوب كل الأسئلة عشان خاطرك يا عم

1)قولى رايك فى دول

الصداقه : حاجة مهمة جدا لا يمكن الاستغناء عنها نهائيا

الخيانه : اكتر حاجة توجع لما تثق فى حد ويخونك من ورا ضهرك

الحب : اجمل احساس فى الدنيا

2)ايه طموحك ؟؟ بتسعى ليه ازاى ؟؟
طموحى انى اتخرج من الجامعة بتقدير كويس وآخد شوية كورسات تساعدنى انى اشتغل فى منصب حلو فى شركة ادويه عالميه ويبقى شغلى كله بره مصر ويا سلام لو اقدر آخد توكيل دواء معين فى مصر يبقى تماااااااااام
ولو مفيش نصيب انى احقق حلمى هابقى افتح صيدلية
وانا ان شاء الله هاحاول اسعى اليه فى السنين الجاية
بس انت ادعيلى ربنا يوفقنى

3)هل انت متفاؤل ؟؟؟وليه ؟؟
انا الحمد لله متفائل
عشان لا يأس مع الحياة ولا حياة مع اليأس

4)اخبارك اية ؟
وانت مالك ؟
ماتزعلش يا عم انا تمام

5)اية رأيك فيا؟
انت طيب جدا و من اجدع الناس اللى عرفتها فى حياتى

6)أكتر موقف فرحِّك فـ حيـآتِك؟
يوم نتيجة الثانوية العامة لانى كنت فاقد الأمل انى ممكن اجيب مجموع

7)هوآيــآآتِك؟
بحب السباحة اوى
والشغل ع ال powerpoint وتركيب الفيديو ع الاغانى

كلنا كالقمر لنا جانب مظلم
ايه رأيك في المقولة دى ؟
كلمة حقيقيه وواقعيه
لان اكيد كلنا عندنا اخطاء ودى جانب مظلم فينا
وفى صفات عمرها ما تبان الا ب العشرة الطويلة

9)ايه اول حاجه بتفكر فيها قبل ما تعمل حاجه غلط ؟
اللى بيعمل حاجة غلط مابيفكرش قبلها لانه لو كان فكر ماكنش عملها


)من هو قدوتك في الحياة ؟
مافيش حد معين قدوة بس اى حد ناجح فى حاجة بيبقى قدوة فيها

)هل تنسى الإساءة بسهوله؟؟
للأسف لا
اللى أساء ليا فى موقف بفضل فاكره على طول لحد لما يعتزر عنه وساعتها ممكن انسى


12)كيف تداوي حزنك ؟؟
لما اقعد مع نفسى شويه واقنع نفسى ان الدنيا مش مستاهلة


وبس كفايه كدة عشان انا صاحبك بس
حرام عليك كل ده وعشان احنا صحاب ماااااااشى

w bgd e7na enbstna 2wyyy ya osma l2nak kont m3na fel gorsi el 23teraf:D:d


w bgd enta shkhsya mo7trma w kol el fel montda keda bgd:):


w esm7ily ya mero 2s2lik:):





2wil 7aga:):



3rfena be momyzatik w 3eyounbik:)



tani so2all




2ouilna 3an el 7agat el betfr7ik lma bet3mliha:):




w hal enti 7aba tertbti 3an 6re2 gwaz el salonat wala 3an 6are2 keset 7ob:):




w eih mewsfat el ensan eli 7aba tertbti beh:):


w el so2al el 2kherrr soryr 3rfa 2ni 6wlt 3liki:):




2ouilily eih r2yak feya besra7a:):




w bgd ana b7bk 2wyyyy w aked enti 3rfa da kuwyes:):

مستنيين الاجابات يا ميرو

دلوقتى لو عايز تسأل ميرو عن اى حاجة كلمنا على رقم 09000505
او من اى موبايل على رقم 1259 او ابعت sms مكتوب فيها
بالعربى ميرو او بالفرانكو miro

كل لما تحاول وتتصل اكتر فرصتك انك توصل اكتر

يلا اتصل مستنى ايه؟ سعر الدقيقة 1.5 جنيه مصرى

يا جماعه استنو ردى بس معلش والله النت بيعلق اوى عندى وانا كتبت ردى مرتين بس كل مره اكتبه مش يبعت وانا خلااااااااااص تعبت

بس اكيد هجاوب