مبارك

بيقولك حسني كان عاوز يغيـر دولارات و مش لاقي في السوق , فراح منادي نظيف:
مفيش دولارات في السوق ليه يا انت نظفت السوق ؟ -
نظيف :الحج و العمرة ياباشا خلصوا على الاحتياطي -
بقولك ايه ..حج ابه وبتاع ايه .. من السنة الجاية الحج يبقى في مصر -
نظيف:يا باشا .. ازاي بس -
اتصرف -
بعد يومين رجع نظيف و قاله : كله تمام يا باشا خلاص الحج حيبقى عندنا
الريس: طب و الكعبة حتعمل فيها ايه ؟ -
حنعملها في ميدان الحجاز - مصر الجديدة و يبقوا يلفوا حواليها -
الريس: طب و السعي ؟ -
ياباشا يبقوا يجروا في طريق صلاح سالم لغاية المطار و يرجعوا -
الريس: و عرفه ؟ -
يطلعوا المقطم ياباشا -
الريس: طب و رجم إبليس يا فالح ؟ -
إتعب معانا شوية بقى يا ريس.......هههههههههههههههههه يا ريت الرجم يفوق

(حتي الحج عايزين يحرمونا منه ويخصخصوه...هديه لنظام الخصخصه)

بيقولك كمال الجنزوري جالو بعد ما شالوا من الوزارة وقالوا عايز أعرف انت
شيلتنى ليه ياريس
قالوا يا كمال يا حبيبي التغيير سُنة الحياه ، قالوا طيب شيلت وزير المواصلات
ليه
قالوا يا كمال يا حبيبي التغيير سُنة الحياة ،
قالوا طيب ممكن أسالك سؤال اومال ليه انت الوحيد اللى مابتتغيرش
قالوا ياحبيبي تغييركم انتم سُنة لكن أنا وجودي " فرض "....هههههههههههههههه

(هديه للنظام الديمقراطي....وحريه الاختيار والتعبير)

كان فى سرير المرض حينما أخذ يلقى بوصاياه الأخيرة لوزيره نظيف :
- وصيتك الحكم من بعدى يا نظيف ..
- فى رقبتى يا ريس .. كله تمام والسلطة هياخدها جمال ..
(ثم راح فى غيبوبة .. أفاق منها بعد قليل )
- وصيتك الشعب من بعدى يا نظيف..
- ما تخافش يا ريس .. الشعب ياكل الزلط ...
(ثم راح فى غيبوبة .. أفاق منها بعد قليل )
- نظيف
- نعم يا ريس
ماتنساش ..... توكيل الزلط لعلاء....هههههههههههههههههههه

(هديه لنظام الاحتكار...ونظام البطاطا)

-واحد لقي مصباح علاء الدين ودعكه..
فطلع الجني وقاله انت تطلب ايه..
قاله: تطلع امريكا من العراق...
الجني: بس انا مليش دعوه بالسياسه..
قال:طيب انا خريج 1999 وعايز شغل
الجني:تحب اطلع امريكا من العراق امتي...ههههههههههههههههههههههه

(حتي مصباح علاء الدين مش حل....هديه لنظام الوسطي ودوله الافراد)

تحت رعاية مشرف المنتدى ميرووووووو
معلش يا ميرو لو اتحبستى ولا اعرفك

يعنى تنزل التوبيك وبعدين ترميها ع ميرو وانا اعمل ايه من بعدها

بس ممكن سؤال يا عمر انت عمرك امن الدوله قبض عليك ول لسه مش قبض عليك يبقى اكيد هيعمل بعد الكلام الحلو اللى انت قايله دا

بعمو عنى تحريات حاليا انا والناس اللى اعرفهم وخصوصا بنوع النت

ايه دا احنا غلابه يا عمر انا ورايا عيال بربيها كدا هضيع فى الرجلين دا انا لسه صغيرة ومش دخلت دنيا

[b]عموره حبيبى بعد الكلام الحلو ده ارجوك انت ماتعرفنيش
وانا اول واحد هبلغ عنك علشان اطلع منها :

كده وكده يعنى عشان محدش يعرف المكان اللى بنتقابل فيه ماشى
اما بالنسبه لسوما تخشيها فى الجنه انشاء الله

ماشى يا عمر انت بايع القضية خالص يعنى انت مستغنى عن حياتك احنا مالنا سيبنا نعيش

هو ده عمر اللي انا اعرفة
انت رجعت ليه يابني

من الواضح ياعمر انك ناوى تصوم السنة دى فى ابو زعبل

وربنا يصبرك يا ميرو ويجعله فى ميزان حسناتك ( نشوفك فى الجنة بإذن الله)


ونقول فى نفس واحد (عاش الرئيس مبارك)

خليكوا ثوار يلا نعمل جماعه ونسميها الشبان الاحرار زى الضباط الاحرار؟ فى حد دايس معايا؟

انا هدوس عليك مش معاك

ماشى يا عمر دى اخرتها دا انا غلبانه ولا ليا فى المواضيع دى ولا اعرف حاجه فى اى حاجه
طالما الاشراف هيودينا فى داهيه كده انا هبيع مناديل احسن

بس بينى وبينك موضوع جامد وربنا يصبرك بقى

اى خدمه هو ده المنتظرمن مناضله زيك استمرى

انتا عايز تودي الناس في داهية كدة وخلاص

اطلع انته منها البت طلعت بميت راجل من بتوع المنتدى

اى خدمه يا عمر انا معاك للنهايه انا مش بخاف غير من اللى خلقنى فالى الجهاد والله معنا (حد واخد حاجه من الكلام)

علي رأيك انا بقي هروح ابلغ عن الكلام ده

يااااه يا خالد بجد صدمتنى مش قادره اتخيل ان خالد هو اللى هيبلغ عنا وانا اقول ده خالد هو اللى هيخبينا لو فى حاجه تطلع انت اللى قول علينا

بس لو عايز تبلغ بلغ انا قولت مره احنا مش بيهمنا

طول ما انا فى ضهرك وبايدك خلاض خليهم يبلغوا احنا الحكومه يا سيتى هو الكلام بفلوس؟

يعنى هتحميها يا عمر ولا تسيبها اول ما يكون فى حاجه اصل انت قولت الكلام مش بفلوس وانت لسه مقتنع انك الحكومة طيب لما يحصل حاجه(يعنى لو اتقبض عليك ) هبقى اشوف ان قولتها تانى

انا اهه وانته اهه والزمان اه بنا اهه

الريس هو اللى مأكلنا وف نفس الوقت هو اللى مجوعنا هو اللى ملبسنا وف نفس الوقت هو اللى مقلعنا انا ف الطريق المحايد اهو

حسبى الله ونعم الوكيل حسبى الله ونعم الوكيل