هل مهرالفتاة دليل على قيمتها ؟؟؟

موضوع حلو اوى وكويس انك تفتحه عشان نتناقش فيه وبصراحه كل الاسباب اللى انت قولت عليها بتحصل

يعنى انا نفسى بشوف مثلا ابهات عايزين مهر بنتهم يبقى عالى عشان يقولك ايه نتفاخر بيه قدام الناس والبنت تيجى تقول دا انا صحبتى مهرها كذا يبقى انا لازم مهرى يكون اعلى منها وصدقنى دى كلها حاجات انا من وجه نظرى ان سببها التظاهر بالبذخ والتفاخر قدام الناس

انا عن نفسى دايما بابا بيقولى انا مش عايز عريس هيدفع كام المهم هو شخصيته عامله ازاى وهيقدر يحافظ عليكى بعد كده ولا لا ودى اهم حاجه

انما اللى بيحصل دلوقتى اننا بقينا فى مزاد واللى يدفع اكتر هو اللى يشترى وانا بجد مش بحب الاسلوب ده خالص لان البنت كده كانها سلعه الواحد بيشتريها

وكمان انا شايفه ان الجواز ده يعنى اتنين بيحبو بعض واكيد لازم يكون فيه توافق فى المستوى الاجتماعى ده المهم والمفروض ان ما يكنش المهر هو سبب لرفض عريس يتقدم وساعات من كتر ما البنت بترفض العرسان للسبب ده بتقعد فى الاخر ومش بتلاقى حد يتجوزها وتيجى فى الاخر يقولولك مش عارفين ليه نسبه العنوسه زادت فى مصر

الشباب موجود والبنات موجوده بس المشكله دايما بتكون فى المهر ويا عينى تلاقى الشباب يقعدو يشتغلو لحد ما يوصل لحاجه وتلاين سنه ولا اربعين سنه ويكون ساعتها مش قادر يتجوز

معلش انى طولت عليكو بس اللى انا عايزه اقوله ان مش شرط يكون المهر كبير فيه بنات بيكون مهرها كبير وفى النهايه بتعيش عيشه مش كويسه وفيه ناس تانيه بتكون بدئاها بدون ولا حاجه وبتكون حياتهم سعيده هو الاهم ان العريس يكون فى نفس المستوى الثقافى والاجتماعى ومش شرط هيدفع كام

جميل اوى موضوعك
وبجد موضوع هادف
وانا رايى شبيه لراى ميرو لان عمر ماكان المهررر ايمه البنت
يعنى مثلا افرض المهرر بى مليون جنيه دا معناه مثلا ان البنت ثمنها مليون جنيه طيب ماهو ممكن يكون معاه 10 مليون مش واحد بس يعنى مش هاتفرق معاه لو دفاعها وبعدين وال ملاين الدنيا تسوى قيمه البنت
وغير كدا حابه اوضح حاجه
فى بنات ممكن ما تعملش قيمه ودا لانهم بيشتروا راجل
يعنى هما ادولوا بتهممم وال هى اغلى حاجججه يعنى مابقاش فى حاجه تهون لان خلاص ادولوا اغلى حاجه وال هى البنت


انا بشوف ان دا كله بيتوقف على حاجه واحده وهىىى صحه الاختيارر
يعنى لو بيحبها وهما واثقين فيه فا لو مهرها 10 جنيههه فا صدقونى ها يحافظ عليها والعكس صحيح كماااان







:
واتمنى اكون قدرت اوضح وجهه نظرىى:

وفى حاجه عاوززة اضفها
وهىى اراده ربنا فوق كل شى



ونصيبك هاتشوفه هاتشوفه

انا بضيف رايى ل راى ميرو بس عاوزه اقول حاجه كمان معنى ان الاب بيقولوا على مهر غالى دا مش معناه انهم بيبيعوا بنتهم او انهم بيتفاخروا او كده بالعكس دووول بيحافظوا عليها لان معلش يا جماعه انا واحده و شايفه الشياب الوقتى ادامى قليل اوى اللى بقى يعرف ربنا بيحافظ على صلاته فى الجامع بيتقى ربنا فى كل حاااجه بيعملها فى حياته علشان كده دا بيبقى خوف من الاهل على بنتهم لن فعلا دا واقع و ياريت اكوون وصلت جزء بسيط من رايى

والله يا سامح موضوع حلو اوى
وانا تفسيرى للمهر الكبير ان الاب بيفكر ان لما العريس يدفع مهر كبير يبقى كدة بيحب بنته وشاريها

ودى وجهات نظر وبتختلف من اب ل اب تانى

وبتختلف حسب المستوى الاجتماعى وعشان كدة ماينفعش يبقى فى فرق
فى المستوى الاجتماعى

ومش هاضيف حاجة بعد اللى اتقال