حوار جامد بين الشباب والبنات

لسه برضو مصر يا عمر انى فى صيدله قسم لغه عربيه اكلمك انجليزى عشان تصدق ولا اعمل ايه يعنى؟؟؟؟؟؟؟؟؟؟

لا ماهو ادام بقى شباب صيدلة الزقازيق مش سادين فى الموضوع فوجب بقى تدخل شباب أسنان مصر الدوليه

أولا الصداقه ما بين الولدو والبنت من الناحيه الدينيه أكيد دى حاجه حرام مافيهاش نقاش ولا جدال ومن الناحيه الأخلاقيه والإجتماعيه وده طبعا بعيدا عن الدين فيه مجتمعات بتسمح بصداقة الولد والبنت وده زى ما بيقولوا انه فى المجتمعات الراقيه طبعا الدين مفيهوش راقيه ولا متأخره

ومن ناحية نظرتى لبنت واقفه مع ولد فى الجامعه ..... أنا عن نفسى دى مقدرش أحكم عليها من مجرد نظره انا أحكم عليها من التعامل لأن فيه بنات محترمين جدا بجد حتى كمان البنات دول بيبقوا رافضين مبدأ السلام على الولاد بالإيد من الممكن البنات دول يتكلموا مع الولاد بس حدود يعنى فى حاجات تخص الدراسه وفيه بنات تانيين اللى هما ممكن يسلموا على ولاد عادى وهزار وضحك وده فعلا انا مبحترمش البنت اللى كده فالموضوع مينفعش ان إحنا نحكم عليه حكم عام .. وطبعا البنت اللى بتتكلم فى الشات برضو انا شايف إن الموضوع ده غلط يمكن الكلام اللى انا قلته ده غريب بالنسبه لسنى وسننا كلنا بس ده فعلا الكلام الصح .........

انا موافقاك تماما يا moon lover فى كل الكلام اللى انت قولته
انا فى اعتقادى ان البنت زى الماسه اللى لازم تفضل محتفظه بقيمتها بين الناس
وصحيح ان البنت ممكن تقف مع ولد بس ده فى اضيق الحدود( رغم انى رافضه كده) يعنى لو محتاجه منه حاجه
بس اللى يقول ان ممكن يكون فيه صداقه بين الولد والبنت وده ع اى اساس؟؟؟ انهم يقعدو يهزرو ويضحكو مع بعض ولا ايه؟
والبنت ليه تحط نفسها فى موقف يخلى ولو واحد بس يفتكر عنها حاجه غلط فالمفروض تقفل الباب ده من اصله هيكون احسن لان مش هتقدر تفهم نفسيه كل ولد

على فكره احنا مش قلنا صداقه بمعنى الصداقه بين الولد والولد بس اللى انا اقصده انه مش شرط ولد واقف مع بنت يكون فى حاجه غلط ممكن يكون عادى مادام فى نطاق الادب والاخلاق وكما قلنا سابقا انه هناك قيود واداب يجب الاخذ بها فى الاعتبار وبعدين اللى عايزه تدينا 3/10 هقولها حسبى الله ونعم الوكيل فيكى اما سومه فهقول لها بارك الله فيكى واكثر من امثالك وجعلك زخرا لمصر المحروسبه
وحسبى الله ونعم الوكيل اشوف يوم فى الظالم
اما سؤالى ليه البنات دايما بيحبوا يظلموا واللى مش مصدق يشوف ميرو

ماشى يا عمر انا مسمحاك فى اللى انت قولته عشان تعرف انى مش ظالمه

وبعدين انا اديتكوا 3 من 10 عشان حسيت انكم مش جاوبتوا ع كل الاسئله بالظبط مش عشان رايكم وكمان انا قبلت التظلم ورفعت الدرجه ل9

ومش كل البنات ظالمه فى طفرات جينيه برضو

وسؤالى بقى ليه الولاد ظلموا البنات لما قالو عليهم ظالمين؟؟؟؟؟؟؟؟

انا عارفه اننا بنهزر والموضوع ايزى خالص ويا ريت انتو كمان مش تكونوا زعلتوا

يلا بينا بقى نرجع لاسئلتنا السؤال اللى انا سئلته دا خارج المقرر يعنى مش عايزه اجابه خلاص

هسال بقى سؤال تانى بدل السؤال اللى خارج المقرر ده

انا نفسى اسأل الولاد سؤال نفسى اعرف انتو ليه متحبوش تعيطو خصوصا لو قدام اى بنت مهما كانت صعوبة الموقف اللى بتمر بيه على عكس ابنت تماما مهما كانت تفاهة الموقف تلاقى دموعها سبقاها وتلاقى الاحساسيس والمشاعر بقى بدأت تشتغل؟؟؟

رايك مقنع يا اسامه وعايزين اراء الولاد التانيه

اولا انا اسف يا ميرو جدا جدا جدا انا كان كل كلامى على سبيل الهذار مش اكتر والله ومدام انتى زعلتى كده فانا بكرر اسفى ومش كان قصدى الغلط خالص
وراى ان الولد مينفعش يعيط والا يبقى ايه الفرق بين الولد والبنت

لالالالالالالالالالالالالالالالالالالالالامش ينفع كده فيه خاااااااااالص

انا طبعا مش زعلت وانا كمان كنت بهزر واذا كنت زعلت زى ما انت قولت مش كنت هدخل ع المنتدى تانى انا بالعكس المنتدى ده عجبنى اوى

وانا مش قبلت اعتزارك عشان انا مش زعلت اصلا ولا حتى 1% وانت كده ظالم ههههههههه

وبعدين انا مش للدرجادى يعنى انت مش قولت حاجه تزعل ويا ريت تنسى الكلام اللى انت قولته

طيب تمام قشطه كده
سؤالى للبنات ليه معظم البنات بيغيروا من بعض؟

انت ياعمر خدت السؤال ده من على لسانى فعلا

سؤال حلو
بصراحه ممكن تسميها طبيعه فى البنت انها تغيره من صحبتها او من اى بنت تانيه لان البنت بتحب دايما تكون حلوه وانها تكون محط اهتمام الناس اللى حواليها ويكونو مش شايفين حد احسن منها وعشان كدا بيغيرو من بعض
بس فى بنات بيكون الموضوع دا مش بيسببلها اى مشكله لانها بتحاول مش تغير او مش تخلى الغيره دى طبع ليها وانها بتكون راضيه عن نفسها ايا كان شكلها

وانا عن نفسى الحمد لله مش بغير من حد لانى مؤمنه ان لو الواحد راضى عن نفسه وشكله هيكون مرتاح ولان مفيش حاجه اسمها حد احسن من حد لمجرد المظهر بس

محط ده المكان اللى القطر بيقف فيه ولا ايه وعلى العموم ردك مقنع

هههههههههههههههههههههههههههه
لا محط دى مش مكان القطر

أنا بقى عاوز أعرف ليه البنت بتتقل على الولد لما تحس إنه بيحبها حتى لو هى كانت بتحبه ؟؟؟؟؟؟؟؟؟؟؟؟؟؟؟

انا رديت فى نفس الموضوع ع سؤال مشابه

dr/soma كتب:
بس برضو فى بنات رومانسيه جدا و انت بتقول ان فى بنات لما ولد يحبها بجد هى بتنفضله ده ممكن يكون راجع لان البنت ممكن تكون بتنكسف ومش هتقدر هى كمان تعبرله عن مشاعرها او ممكن يكون عيب فى شخصيتها فهى ممكن تكون واخده فى نفسها مقلب وفاكره انها كدا عايزه تقوله انه هو اللى يجرى وراها اوعايزه تحس انها محبوبه وده لتعويض النقص اللى عندها

وده الطبيعى لان كل حاجه مش كامله ولازم تلاقى نقص وزى ما ده موجود فى البنات موجود برضو فى الولاد
وده لو انت بصيت ع الجزه الكويس هتلاقى فيه بنات رومانسيه وبتوفى اوى لحبيبها وانا من رايى ان لو كل بنت شالت حته الكرامه من دماغها
وانها تخاف تصالح حد هتبقى قصه الحب مكتمله

وانا عارفه انى طولت بس حبيت ابين راييى

وبرضو لان فى بنات محترمة مش بتكلم ولاد اساسا ولو ولد قالها انه بيحبها من الطبيعى بترفض الكلام معاه حتى لو بتحبه وبتموت فيه مش بتتقل زى ما الولد متخيل

شكرا ع رايك عن موضوع الصداقه واكيد كل واحد له نظره مختلفه عن التانى
وانت قصدك ان اسئلتنا للولاد تتحط فى توبيك تانى ولا سؤال فى نفس التوبيك بس عن موضوع تانى غير الحب والصداقه .......

احمد سمير يقصد ان كل سؤال يبقى له توبيك لوحده

ممكن اسال سؤال يا ميرو؟