شوفوا البنات بتعاكسنا ازاى!!!!!!!!!!!!!!!!

بسم الله الرحمن الرحيم




شوفوا البنات بتعاكسنا ازاى








1- ماشي سيادتك في الكلية في أمان الله وفيه بنت جاية بسرعة الصاروخ في الاتجاه المعاكس ولما تقرب منك تعمل مش واخده بالها وكل اللي في ايدها ينزل على الأرض , تعمل انت الشاب الجدع وتحاول تساعدها ونبدأ القصة بميرسي وبعدين هوه انت معانا في الكلية؟ ومشفتكش قبل كده لغاية رقم تليفونك كام





2.بتشتري حاجة من سوبر ماركت وشلة بنات واقفين وأول ماتيجي ماشي واحدة تيجي بمنتهى الذوق وتقولك لو سمحت هى علبة البسكويت اللى فى ايدك دى بكام.
هو حد قال لسيادتك انى كاشيير.





3- ماشى عندك دور برد جــامد وانتا معدى على شلة بنات تقوم روحك خايناك وتعطس تقوم واحده منهم مسحوبه من لسانها
ارحمكم الله
هو يعنى ايمان سيادتك مظهرش غير دلوقت.






4- قاعد فى الكافتريا وبتقول لصاحبك هات منديل
بسرعة البرق تلاقي واحده مرشوقه جنبك وبتسبل اتفضل
يا خواتى عالرقه






5- كنت نازل حوالى 11الصبح بتخلص شوية ورق ولابس بالطو وكوفيه
لسه صاحى بقه وبردان شويه
ونزلت لقيت طبعا الجو نار ,وماشى فى امان الله لقيت شلة بنات مقبلاك وعمالين يتلمزوا ,واول مقربت قامت واحده قايله للتانيه وهى بتبصلك الجو حر مش كده
قامت التانيه ردت وهى بتبصلك لا دا الجو عسل








شوفتوا بقه الولاد مستحملين قد ايه



تحــــــــــاتي
ههههههههههه
No commenT