هو ال....عيب او حرام !!!

والله موضوع حلو اوي ومهم
انا شايف ان الحب عمره ما كان عيب ولا حرام
واهم حاجه ان يكون حب شريف وفيه احترام من الطرفين
وعن نفسي ماينفعش اني اتقدم لواحده من غير ما اكون بحبها وهي بتبادلني الشعور واكيد لازم اكون عارف طباعها قبل كده
وبشكرك جدا يا لوده

اه والله يا خالد كلامك جمييييييييل

توبيك حلو اوي وبجد اثر فيا اوي وانا اساسا مش ناقصة
الحب عمره ما كان عيب او حرام بالعكس دا احلي حاجة في الدنيا انك تلاقي حد حاسس بيك اوي وبيبادلك مشاعر حلوة بس ساعات الحب دا بتقابله ظروف مش بايدينا بيخلينا نتنازل عن الارتباط بالشخص اللي احنا عايزنه بس عمره ما بيخلينا نتنازل عن الحب لان دي حاجة مش بايدينا
وزي ما انت قولت يا خالد ان معظم الاوقات الاهل مش بيتفهمو الحب دا وبيعتبروه انه حاجة غلط
وع فكره يا اسامة الولد عمره ما كان بيعيبه الارتباط اما البنت فالناس بيبوصلها بنظره تانية خالص انا عارفة ان من حق الطرفين يعرفو بعض اكتر بس ليه مش يكون دا في فتره الخطوبه او في فتره ع الاقل الاهل يكونو عارفين فيها بالموضوع
وانا عارفه بجد انها معادله صعبه اوي بالنسبالي اني اكون رافضه الارتباط وفي نفس الوقت عايزه احب واتحب بس انا مقتنعة ان طول ما اللي انا بعمله هو الصح ربنا هيديني اللي انا عايزاه في النهايه

وافرض يا ميرو الاتنين دول ميقدروش يتخطبوا لبعض الا بعد كام سنه يقضوا السنين ديه ازاى.وبعدين الواحد يعمل اللى هو عايزه وطظ فى الناس ولو حد اتكلم لسانه يتقطع يوم ميلاقى الاتنين دول مخطوبين

bas el moshkila fel 2hl sa3et ma el nas tetklim...
heya de el moshkila bas ya omar...
w bgd el topic hadef gedan
w ana shkhsyan 7beto:):



thunx alot

يا عمر احنا عايشين وسط الناس والانسان مش ليه غير سمعة وخصوصا البنت ولو مش يهمه كلام الناس مايقدرش يعيش وسطهم
ومهما كان الحب بين اتنين فلازم يبتدي صح عشان يكمل صح

بجد موضوع جميل قوي وكلمات جميله قوي بجد
حتي الردود اجمل

مهو الناس على اى وضع بتتكلم مهو ممكن اتنين يتخطبوا ويفشكلوا تقوم الناس تخترع اسباب ملهاش اساس من الصحه ولو الواحد هيفضل ياخد بكلام الناس يبقى مش هيعيش .الواحد لما يجى يعمل حاجه يكون معياره الاول رضى الله بس.ومدام اتنين بيحبوا بعض ونيتهم خير انهم يتجوزوا يبقى ربنا انشاء الله هيكون راضى عنهم .
ولو ده فعلا يبقى طظ فى اى حاجه تانيه.

بجد شكرا يا اسامة واميرة وعمر ودارين ومحمد علي ردودكوا الحلوة دي
وانا في الموضوع ده ليا كلام كتير بس هأكتبه بكره لأني عايز اجمع كام معلومة ويارب الكلام اللي هأكتبه يعجبكم وهستني ردودكوا بكره

الحب حلال ام حرام

مش هأختلف معاكوا
بس انتوا نسيتوا المشـكلة الحقيقـــية اللي بقت سبب البلبلــه دي كلــها ..
كل حاجة بقينا ندخل فيــها حرام وحلال

متفقيــن ان الحلال بين والحـرام بين

انا عاوز اوصللكوا وجهة نظري وتناقشوني فيها عادي

هل الشرب حرام ؟؟

طبعا هتقوللي انت عبيط ولا ايه يابني طبعا حلال

هقوللــك تمامــ ,, بس ممكن يبقى حــرامــ .. امتى ؟؟

لو شربت خمر او نبيذ او ,, او ,, او ,, من المسكرات
طب لو شربت مية او لبن او عصير ,, طبعا حلال الـحلال كمان

طب هو الأكل حرام ؟؟

طبعا الأكل حلالـ بس امتى يبقى حرام ؟؟

لو كلت مثلا لحم خنزير لحم اليمام او لحم اي طير طاير في المدينة او اللحم الميت او ,, او ,, او ,, من الأكلـ المحرم

طب هتقولولي هو الحب حلال ام حرام؟؟

هسأل مقابلها سؤال .. بتتكلم على انه نوع من انواع الحب ؟؟

1- نمشي يوميـــن مع كــام مســكة مع كام نظــرة وبعدين ادور علــى غيــرها ( عبطّ ) ؟؟

هقول هو ده حب اصلا ,, مجرد التفكير في حاجة زي كده حرام اصلاً ..

2- اعلق اي بت وافهمها ان مليش غيرها واحب واحده تانية من ورا الأولانية ( تعليقّ ) ؟؟

هقول انه ده كمان حرام حرام حرام لأنك بتلعب ببنات الناس مش بتحب ..

3- فعلا حسيت انك مش قادر تستغنى عن واحده وبتحبها اوي وهي كمان بتحبك والعلاقة مابينكم جميلة بس مش ممكن في يوم من الأيام تتجوزو او ترتبطو ارتباط رسمي ( وهّمـ ) ؟؟

هقوللك ده كمان حرام ,, بتعيش نفسك وغيرك في وهم كبير وغالباً هتصحى منه على قلم جامد

4- بتحب واحده وهي بتحبك وشايفها زوجة ليك والظروف متيسرة وتمام التمام بس مش ناوي تتقدملها وخلاص يعني حاجة بمزاجك انت ( لعب عيال ) ؟؟

يبقى انت كده بتلعب بيها ومفيش ولا حب ولا اي حاجة من الكلام ده ,, وطبعا حرام ..

5- لو بقى بتحب واحده اوي اوي وهي بتحبك ومش شايفين غر بعض ومش شايف غيرها زوجة ليك في المستقبل وبإذن الله ناوي تدخل البيت من بابه في اقرب وقت او لما الظروف تسمح ان شاء الله ( حُب ) ؟؟

هقوللك حلال بس ممكن يبقى حرام

طبعا هتكشرلي وتديلي بالبوكس وتقوللي ان عاوز تشتت دماغي وخلاص ياد

هقوللك لأ
بس ممكن تكون في النوع ده من الحب بتتقابلو سواء في مكان الدراسة او في العمل انما برة المكان لأ

بتتكلمو عادي عن حبكو ومستقبلكو وحياتكو عادي بس الكلام مايوصلش لدرجة مش كويسة ( واكيد كلنا فاهمين )

مفيش بقى حوارات مسكة الإيد او القبلات او الكلام ده كله ,, حرامـ حرامـ حرامـ

افتكر انك لو هتعمل كده يبقى هتغضب ربنا اللي جمعكو ببعض

لحد ما ربنا يوفقكو وتتخطبو .. وساعتها برضو المحدود هتتشال شوية بس مش كلها ,, يعني الخطبة مش مجرد وعد للزواج وممنوع اي كلام او اي نظرة اثناءها زي ما بعض الشيوخ اللي مايفهموش اي حاجة بيقولو كده


بس معلش مع خالص احترامي
اللي بيحلل ويحرم الحب بيشتغل ايه عشان يحلل ويحرم
ولو سمعها من شيخ ودي من رابع المستحيلات يبقى بيتفرج على الشيوخ التجارية واللي يهمهم الفلوس وبس ودول مايفهموش اي حاجة في الدين اصلاً ومع اشد احترامي برضو

زي الحلال مهو باين الحرام برضو باين
انا أتقاللي كلمة قبل كده " لو الحاجة اللي هتعملها ماينفعش تعملها قدام الناس يبقى الحاجة دي غلط وحرام فحتى لو انت لوحدك ماتعملهاش " واتقاللي كمان " ان بنات الناس مش لعبة واي بنت ماشية في الشارع اعتبرها اختك وحافظ عليها زي أهل بيتك "

وهقول كلمة كمان ودي اهم كلمة

" اذا لم تستحي فأفعل ما شئت "

وخلق الإسلام الحياء ,, ليه الحياء بالذات ؟؟
عشان لو بقت فيك الصفة دي هتتنزه عن كل مكروه وكل شر وكل فساد من تلقاء نفسك

بعيدا عن الكلام ده كله بقى ,,

الحب ده احلى واجمل شئ في الوجود ,, وبتحس بطعمه بجد لو كان نضيف شريف بعيد عن اي شبهه ,, حب حقيقي بجد

وربنا يوفق كل اللي نيتهم خير ويهدي كل اللي نيتهم شر



سامحوني عارف اني طولت عليكوا جدا
وزراير الموبايل اتدمرت من كتر الكتابه
بس دي وجهه نظري انا وعارف انه فيه ممكن اللي يوافقني واللي يعارضني
وشكرا


khalid

انته جيت على الجرح يا خالد والله كانك بتقرا افكارى

والله الكلام كله قدامكوا ودي وجهه نظري المتواضعة في الموضوع ده
وشكرا للرد ياعمر